കഴിഞ്ഞ സീസണിൽ കേരള ബ്ലാസ്റ്റേഴ്സിനായി മികച്ച പ്രകടനം കാഴ്ചവെച്ച പെരേര ഡിയസ് ക്ലബിലേക്ക് തിരികെ വരാൻ ശ്രമിക്കുന്നതായി റിപ്പോർട്ടുകൾ. കേരള ബ്ലാസ്റ്റേഴ്സിൽ ലോൺ അടിസ്ഥാനത്തിൽ ആയിരുന്നു ഡിയസ് കളിച്ചിരുന്നത്‌. ലോൺ കാലാവധി കഴിഞ്ഞതോടെ താരം അർജന്റീനൻ ക്ലബായ പ്ലാറ്റൻസിലേക്ക് തിരികെ പോയിരുന്നു. പ്ലാറ്റൻസിലെ കരാർ അവസാനിക്കാൻ ഇനിയും 6 മാസം ഉള്ളത് കൊണ്ട് തന്നെ ഡിയസ് അവിടെ തുടരുമെന്നാണ് പ്രതീക്ഷിക്കപ്പെട്ടിരുന്നത്.
എന്നാൽ താരം ഇപ്പോൾ കേരള ബ്ലാസ്റ്റേഴ്സിലേക്ക് വരാൻ ആഗ്രഹം പ്രകടിപ്പിക്കുന്നതായി റിപ്പോർട്ട് വരുന്നു. താരത്തെ ക്ലബ് വിടാൻ അനുവദിക്കാൻ പ്ലാറ്റൻസ് ഒരുക്കമാണ്. എന്നാൽ മികച്ച ഓഫറുകൾ ഏത് ക്ലബ് നൽകുന്നോ ആ ക്ലബിന് ഡിയസിനെ നൽകാൻ ആകും അർജന്റീനൻ ക്ലബിന്റെ തീരുമാനം.
There is a meeting in the next few days (today maybe) that could define his future. The player apparently showed interest in going back to @KeralaBlasters… thing is he has six months left in his contract. Some working around has to be done. That is the talk today #KBFC https://t.co/PnC8vpqTQ6
— Juan Arango (@JuanG_Arango) May 10, 2022
ചിലി, ബൊളീവിയ, മെക്സിക്കോ എന്നീ രാജ്യങ്ങളിൽ താരം മുമ്പ് കളിച്ചിട്ടുള്ള താരമാണ് ഡിയസ്. ഏഷ്യയിൽ മലേഷ്യൻ ക്ലബായ ജോഹർ തസിമിനൊപ്പം നാലു വർഷത്തോളം കളിച്ചിരുന്നു. ജോഹറിനു വേണ്ടി ഒരു സീസണിൽ 30 ഗോളുകൾ അടിച്ച് റെക്കോർഡിടാൻ പെരേരയ്ക്ക് ആയിരുന്നു. ഈ കഴിഞ്ഞ സീസണിൽ കേരള ബ്ലാസ്റ്റേഴ്സിനായി എട്ട് ഗോളുകളും ഒരു അസിസ്റ്റും സംഭാവന ചെയ്യാൻ ഡിയസിനായിരുന്നു.
