ശുഭ്മാൻ ഗില്ലിന്റെ മോശം ഫോം വിമർശിക്കപ്പെടുമെന്ന് മുൻ ഇന്ത്യൻ പേസർ സഹീർ ഖാൻ. കേപ്ടൗണിലെ ന്യൂലാൻഡ്സ് ക്രിക്കറ്റ് ഗ്രൗണ്ടിൽ ദക്ഷിണാഫ്രിക്കയ്‌ക്കെതിരായ പരമ്പരയിലെ ടെസ്റ്റിന്റെ ഒന്നാം ദിനം ഇന്ത്യ 153 റൺസിന് പുറത്തായപ്പോൾ ഗിൽ 36 റൺസ് നേടിയിരുന്നു. എങ്കിലും അത്ര നല്ല ഫോമിൽ അല്ല ഗിൽ ഉള്ളത്.
“ശുബ്മാൻ ഗില്ലിന് കഴിവുണ്ട്, അതിൽ യാതൊരു സംശയവുമില്ല. കഴിഞ്ഞ വർഷം ശുഭ്മാന് മികച്ച വർഷമായിരുന്നു, കൂടാതെ എല്ലാ ഫോർമാറ്റുകളിലും തന്റെ പ്രാഗത്ഭ്യം പ്രകടിപ്പിക്കുകയും ചെയ്തു. അവൻ റൺസ് നേടി, കഴിവുണ്ട്, ”സഹീർ പറഞ്ഞു.
“എന്നാൽ നിങ്ങൾ റൺസ് സ്‌കോർ ചെയ്യുന്നില്ലെങ്കിൽ മോശം ഫോമിലാണ് എങ്കിൽ, നിങ്ങൾ വിമർശനം നേരിടും. പ്രതീക്ഷകൾ കാരണം, ആ സമ്മർദ്ദത്തിൽ കളിക്കേണ്ടി വരും. മികച്ച തുടക്കം ലഭിച്ചതിന് ശേഷം നിങ്ങളുടെ വിക്കറ്റ് നഷ്‌ടപ്പെടുകയാണെങ്കിൽ, അത് ആശങ്കാജനകമാണ്.” സഹീർ കൂട്ടിച്ചേർത്തു.
