ലോകകപ്പിൽ ഇന്ന് നടക്കേണ്ടിയിരുന്ന ഇംഗ്ലണ്ട് സ്കോട്ട്‌ലൻഡ് മത്സരം ഉപേക്ഷിച്ചു. മഴ കാരണം ഇംഗ്ലണ്ടിന് ഇന്ന് രണ്ടാം ഇന്നിംഗ്സിൽ ബാറ്റു ചെയ്യാൻ ആയില്ല. ഇന്ന് ആദ്യം ബാറ്റു ചെയ്ത സ്കോട്ലൻഡ് 10 ഓവറിൽ 90 റൺസ് എടുത്തിരുന്നു. ഒറ്റ വിക്കറ്റ് നഷ്ടപ്പെടാതെയാണ് സ്കോട്ട്‌ലൻഡ് 90 റൺസ് എടുത്തത്.
സ്കോട്ലൻഡിന്റെ സ്കോർ ഡക്ക്വർത്ത് ലൂയിസ് നിയമപ്രകാരം 10 ഓവറിൽ 109 ആക്കി ഉയർത്തപ്പെട്ടു. സ്കോട്ലൻഡിന് ഇത് വലിയ പ്രതീക്ഷ നൽകി. പക്ഷെ ഇംഗ്ലണ്ടിന് രണ്ടാം ഇന്നിങ്സിന് ബാറ്റു ചെയ്യാൻ ഇറങ്ങാനെ ആയില്ല. സ്കോട്ലൻഡിനായി ബാറ്റു കൊണ്ട് മുൻസെ 41 റൺസും മൈക്കൾ ജോൺസ് 45 റൺസുമായും പുറത്താകാതെ നിന്നു.
