Category: World Cup

നിലവിലെ ഇന്ത്യൻ ടീമിനെ എക്കാലത്തെയും മികച്ച ഇന്ത്യൻ ഏകദിന ടീമെന്ന് വിശേഷിപ്പിച്ചു ദിനേഷ് കാർത്തിക്. ക്രിക്ക്ബസിനോട് സംസാരിച്ച കാർത്തിക്, ഏകദിനത്തിലെ ഇന്ത്യയുടെ എക്കാലത്തെയും ശക്തമായ ടീമാണ് ഇതെന്ന് പറഞ്ഞു, ലോകകപ്പുകളിൽ ഒരു ഇന്ത്യൻ ടീമും ഇതുപോലെ ആധിപത്യം പുലർത്തിയിട്ടില്ലെന്നും അദ്ദേഹം പറഞ്ഞു. ഈ ക്രിക്കറ്റ് ലോകകപ്പിലെ എട്ട് മത്സരങ്ങളും ജയിച്ച് പോയിന്റ് പട്ടികയിൽ ഒന്നാമതു നിൽക്കുകയാണ് ഇന്ത്യ.

“ഈ ഇന്ത്യൻ ടീം ഒരുപക്ഷെ ഏകദിനത്തിൽ ഇന്ത്യ കണ്ടിട്ടുള്ളതിൽ വച്ച് ഏറ്റവും ശക്തമായ ടീമായിരിക്കാം. ലോകകപ്പിൽ അത് ഉറപ്പാണ്. നിലവിലെ ടീമിനെപ്പോലെ ആധിപത്യം പുലർത്തിയ ഒരു ഇന്ത്യൻ ടീമില്ല. ഇന്ത്യയുടെ എക്കാലത്തെയും മികച്ച ടീമുകൾ ഒക്കെ എടുത്താൽ ഈ ഏകദിന ടീം അവർക്ക് ഒപ്പം നിൽക്കും.”കാർത്തിക് പറഞ്ഞു.

ഇന്ത്യ സെമിയിൽ ഇറങ്ങുമ്പോൾ ബാറ്റ് ചെയ്യുമോ ചെയ്സ് ചെയ്യുമോ എന്നത് നിർണായകമായിരിക്കും എന്നും കാർത്തിക് പറഞ്ഞു.” സെമി മുംബൈയിലാണ്, അവർ ടോസ് നേടിയാൽ, അവർ ആദ്യം ബാറ്റ് ചെയ്യുമോ ബൗൾ ചെയ്യുമോം എന്നതായിരിക്കും ആദ്യത്തെ വലിയ തീരുമാനം,സെമി ഫൈനലിൽ ആദ്യ ഇലവൻ എന്തായിരിക്കുമെന്നതിൽ തർക്കമില്ല. എല്ലാ കളിക്കാരും എല്ലാ ബോക്‌സും ടിക്ക് ചെയ്തിട്ടുണ്ട്, സെമിയിലേക്ക് പോകുമ്പോൾ ഇന്ത്യ മികച്ച നിലയിൽ ആണ്, ”കാർത്തിക് കൂട്ടിച്ചേർത്തു.

ഇന്ത്യൻ ബൗളർമാരെ പ്രശംസിച്ച് മുൻ ഓസ്‌ട്രേലിയൻ വിക്കറ്റ് കീപ്പിംഗ് ബാറ്റർ ആദം ഗിൽക്രിസ്റ്റ്. ഇന്ത്യയുടെ ഫാസ്റ്റ് ബൗളിംഗ് ത്രയങ്ങളായ ജസ്പ്രീത് ബുംറ, മുഹമ്മദ് ഷമി, മുഹമ്മദ് സിറാജ് എന്നിവരെ നേരിടാൻ ആർക്കും ആകുന്നില്ല എന്നു പറഞ്ഞു. ഈ ലോകകപ്പിൽ ഇന്ത്യക്ക് എതിരെ ആദ്യം ബാറ്റു ചെയ്യുന്നത് ആകും എല്ലവർക്കും നല്ലത് എന്നും രാത്രി ലൈറ്റിനു കീഴിൽ ഇന്ത്യൻ ബൗളർമാർ ഗംഭീര പ്രകടനമാണ് നടത്തുന്നത് എന്നും ഗില്ലി പ്രശംസിച്ചു.

“ഇന്ത്യയും ആദ്യം ബാറ്റ് ചെയ്യാൻ ആകും നോക്കുക എന്ന് താൻ കരുതുന്നു. ചെയ്സ് ചെയ്യുന്നതിൽ അവർക്ക് ഒരു ദൗർബല്യമുണ്ടെന്ന് ഞാൻ കരുതുന്നില്ല. വിരാട് കോഹ്‌ലിയെ പോലെ എക്കാലത്തെയും മികച്ച റൺ ചേസ് കോ-ഓർഡിനേറ്ററാണ് അവർക്കുള്ളത്,” ഗിൽക്രിസ്റ്റ് പറഞ്ഞു.

“ഇന്ത്യൻ ബൗളിംഗ് ആക്രമണം രാത്രി ലൈറ്റിനു കീഴിൽ മാരകമായ ബൗളിംഗ് ആണ് ചെയ്യുന്നത്. സിറാജും ഷമിയും ബുംറയും ഇവരെ ആർക്കും കളിക്കാൻ തന്നെ ആകുന്നില്ല. പകൽ വെളിച്ചത്തിൽ അവർക്കെതിരെ ബാറ്റ് ചെയ്യുന്നത് ആകും കൂടുതൽ ഭേദം. അവർക്ക് എന്നും ശക്തമായ ബാറ്റിംഗ് നിരയുണ്ട്. എന്നാൽ ബൗളിംഗിന്റെ വീര്യമാണ് ഇപ്പോൾ അവരെ ഇപ്പോൾ ഭയപ്പെടുത്തുന്ന ശക്തികൾ ആക്കുന്നത്” ഗിൽക്രിസ്റ്റ് കൂട്ടിച്ചേർത്തു.

“ഇന്ത്യയ്ക്ക് നല്ല സന്തുലിത ബൗളിംഗ് ലൈനപ്പ് ഉണ്ട്. ജഡേജയുടെ കണക്കുകൾ അതിശയിപ്പിക്കുന്നതാണ്. കുൽദീപ് യാദവ്,. പിന്നെ രവി അശ്വിൻ അവസരം കാത്ത് ഇരിക്കുന്നുമുണ്ട്” ഗിൽക്രിസ്റ്റ് പറഞ്ഞു.