Category: World Cup

അവസാനം ലോകകപ്പിൽ ഇംഗ്ലണ്ടിനെ ഒരു വിജയം ഇന്ന് അവസാന സ്ഥാനക്കാർ തമ്മിലുള്ള പോരാട്ടത്തിൽ നെതർലാൻസിനെ 160 റൺസിന് ആണ് ഇംഗ്ലണ്ട് പരാജയപ്പെടുത്തിയത്. ഇംഗ്ലണ്ട് ഉയർത്തിയ 340 എന്ന വിജയലക്ഷ്യം പിന്തുടർന്ന നെതർലാൻഡ് 179 റൺസിന് ഓളോട്ടായി. 41 റൺസ് എടുത്ത തേജാ മാത്രമാണ് നെതർലാൻസിനായി ഇന്ന് ബാറ്റു കൊണ്ട് തിളങ്ങിയത്‌.

ഇംഗ്ലണ്ടിനായി ആദിൽ റാഷിദും മൊയീൻ അലിയും മൂന്ന് വിക്കറ്റു വീതം വീഴ്ത്തി. ഡേവിഡ് ബില്ലി എന്നിവർ രണ്ട് വിക്കറ്റും നേടി. ഈ വിജയത്തോടെ ഇംഗ്ലണ്ടിന് നാലു പോയിന്റായി. ഇംഗ്ലണ്ടിന്റെ ഈ ലോകകപ്പിലെ രണ്ടാം വിജയം മാത്രമാണിത്

നേരത്തെ ബെൻ സ്റ്റോക്സ് നേടിയ മികച്ച സെഞ്ച്വറിയുടെ മികവിൽ ഇംഗ്ലണ്ടിന് മികച്ച സ്കോർ നേടാൻ ആയിരുന്നു. ആദ്യം ബാറ്റ് ചെയ്ത ഇംഗ്ലണ്ട് 339/9 റൺസ് എടുത്തു. 74 പന്തിൽ നിന്ന് 87 റൺസ് എടുത്ത ഡേവിഡ് മലൻ ആണ് ഇംഗ്ലണ്ടിന് നല്ല തുടക്കം നൽകിയത്. അവസാനം മികച്ച സെഞ്ച്വറി നേടി ബെൻ സ്റ്റോക്സ് ഇന്നിംഗ്സിലെ ടോപ് സ്കോറർ ആയി.

റൂട്ട്, ഹാരി ബ്രൂക്ക്, ബട്ട്ലർ തുടങ്ങിയവർ ബാറ്റുകൊണ്ട് നിരാശപ്പെടുത്തി. അവസാനം ബെൻ സ്റ്റോക്സും ക്രിസ് വോക്സും ചേർന്ന് സൃഷ്ടിച്ച കൂട്ടുകെട്ടാണ് ഇംഗ്ലണ്ടിനെ ഭേദപ്പെട്ട സ്കോറിൽ എത്തിച്ചത്. സ്റ്റോക്ക്സ് 84 പന്തിൽ 108 റൺസ് എടുത്തു. 6 സിക്സും 6 ഫോറും അടങ്ങുന്നതായിരുന്നു സ്റ്റോക്സിന്റെ ഇനി ഇന്നിംഗ്സ്.

ക്രിസ് ബോക്സ് 45 പന്തിൽ നിന്ന് 51 റൺസ് എടുത്തു. നെതര്‍ ലെൻസിനായ ബാസ് ദെ ലെദെ മൂന്ന് വിക്കറ്റും ആര്യൻ ദത്തും വാൻ ബീകും രണ്ട് വിക്കറ്റ് വീതവും വീഴ്ത്തി.

ഇന്നലെ ഓസ്ട്രേലിയയുടെ ഹീറോ ആയ മാക്സ്‌വെൽ ഇന്നലെ പരിക്കുമായാണ് കളിച്ചത്. എന്നാൽ ഇത് വലിയ ആശങ്ക നൽകുന്നത് അല്ല എന്ന് ഓസ്ട്രേലിയൻ ക്യാപ്റ്റൻ പാറ്റ് കമ്മിൻസ്. ക്രാമ്പ്സ് മാത്രമാണ്. ആവശ്യത്തിന് വിശ്രമം കിട്ടിയാൽ അത് ശരിയാകും എന്നാണ് പ്രതീക്ഷ എന്നും അദ്ദേഹം അടുത്ത മത്സരത്തിൽ കളിക്കും എന്നും കമ്മിൻസ് പറഞ്ഞു.

“അവൻ സുഖം പ്രാപിക്കുമെന്ന് എനിക്ക് ഉറപ്പുണ്ട്. അവൻ ക്ഷീണിതനായിരുന്നു, പക്ഷേ അവൻ ഓസ്‌ട്രേലിയയ്‌ക്ക് വേണ്ടി കളിക്കുന്നതും കളിക്കാൻ എന്തും ചെയ്യുന്നതും എത്രമാത്രം ടീമിനെ ഇഷ്ടപ്പെടുന്നുവെന്ന് നിങ്ങൾ ഇന്ന് കണ്ടതായി ഞാൻ കരുതുന്നു. ഈ പരിക്ക് ഭേദമാകും എന്ന് എനിക്ക് ഉറപ്പുണ്ട്,” കമ്മിൻസ് പറഞ്ഞു.

“അവൻ സന്തോഷവാനാണ്. വെറും ക്രാമ്പ്സ് ആണ്. അതാണ് പ്രധാന കാര്യം എന്ന് ഞാൻ കരുതുന്നു. ഒരു ഓവറിൽ അവൻ തന്റെ കാൽ വിരൽ പോയി എന്ന് പറഞ്ഞു., അത് ശരിയാകുമെന്ന് എനിക്ക് ഉറപ്പുണ്ട്, ധാരാളം ജലാംശം,” അദ്ദേഹം കൂട്ടിച്ചേർത്തു.

ഇന്നലെ കമ്മിൻസിന് ഒപ്പം ചേർന്നായിരുന്നു മാക്സ്‌വെൽ അത്ഭുത പ്രകടനം കാഴ്ചവെച്ചത്.

മുൻ ഇന്ത്യൻ ക്യാപ്റ്റൻ കപിൽ ദേവിന്റെയും സയ്യിദ് കിർമാനിയുടെയും റെക്കോർഡ് ഇന്ന് ഗ്ലെൻ മാക്‌സ്‌വെല്ലും പാറ്റ് കമ്മിൻസും ചേർന്ന് മറികടന്നു. ലോകകപ്പിലെ എട്ടാം വിക്കറ്റിലെ ഏറ്റവും വലിയ കൂട്ടുകെട്ടാണ് മാക്‌സ്‌വെല്ലും കമ്മിൻസും ചേർന്ന് ഇന്ന് ചേർത്തത്. അഫ്ഗാനിസ്താനെതിരെ 202 റൺസിന്റെ അപരാജിത കൂട്ടുകെട്ടാണ് ഇരുവരും ചേർന്ന് തീർത്തത്.

1983 ലോകകപ്പിൽ സിംബാബ്‌വെയ്‌ക്കെതിരെ ആയിരുന്നു കപിൽ ദേവും സയ്യിദ് കിർമാനിയും റെക്കോർഡ് ഇട്ടത്‌. കപിൽ ദേവും സയ്യിദ് കിർമാനിയും അന്ന് എടുത്ത 126 റൺസിന്റെ കൂട്ടുകെട്ട് എട്ടാം വിക്കറ്റിലോ അതിനു താഴെയോ ഉള്ള ലോകകപ്പിലെ എക്കാലത്തെയും ഉയർന്ന കൂട്ടുകെട്ടായിരുന്നു,

ഇന്ന് 91 റൺസിൽ നിൽക്കെ ആയിരുന്നു കമ്മിൻസും മാക്സ്വെലും ഒരുമിച്ചത്. വിജയം വരെ അവർ ക്രീസിൽ തുടർന്നു. 202 റൺസിന്റെ കൂട്ടുകെട്ടിൽ 12 റൺസ് മാത്രമായിരുന്നു കമ്മിൻസിന്റെ സംഭാവന‌