ന്യൂസിലാണ്ടിനെതിരെ ലോകകപ്പ് 2023ലെ ഉദ്ഘാടന മത്സരത്തിൽ ടോസ് നഷ്ടമായി ആദ്യം ബാറ്റ് ചെയ്യാനിറങ്ങിയ ഇംഗ്ലണ്ടിന് 282 റൺസ്. ജോ റൂട്ട് 77 റൺസുമായി ടീമിന്റെ ടോപ് സ്കോറര്‍ ആയപ്പോള്‍ ജോസ് ബട്‍ലര്‍(43), ജോണി ബൈര്‍സ്റ്റോ(33), ഹാരി ബ്രൂക്ക്(25) എന്നിവരും ഇംഗ്ലണ്ടിനായി പൊരുതി നോക്കി.
ന്യൂസിലാണ്ടിനായി മാറ്റ് ഹെന്‍റി മൂന്ന് വിക്കറ്റ് നേടിയപ്പോള്‍ മിച്ചൽ സാന്റനറുംഗ്ലെന്‍ ഫിലിപ്സും രണ്ട് വിക്കറ്റ് നേടി. മറ്റു ബൗളര്‍മാരും നിര്‍ണ്ണായക സംഭാവനയാണ് നൽകിയത്. കൃത്യമായ ഇടവേളകളിൽ വിക്കറ്റുകള്‍ വീഴ്ത്തിയാണ് ന്യൂസിലാണ്ട് ബൗളര്‍മാര്‍ ഇംഗ്ലണ്ടിനുമേൽ സമ്മര്‍ദ്ദം ചെലുത്തിയത്.
വാലറ്റത്തിൽ നിന്നുള്ള നിര്‍ണ്ണായക സംഭാവനകള്‍ ഇംഗ്ലണ്ടിനെ മികച്ച സ്കോറിലേക്ക് എത്തിക്കുകയായിരുന്നു. പത്താം വിക്കറ്റിൽ ആദിൽ റഷീദ് – മാര്‍ക്ക് വുഡ് കൂട്ടുകെട്ട് 26 പന്തിൽ 30 റൺസ് നേടിയപ്പോള്‍ ഇംഗ്ലണ്ട് 282/9 എന്ന സ്കോര്‍ നേടി. വുഡ് 13 റൺസും റഷീദ് 15 റൺസും നേടി പുറത്താകാതെ നിന്നു. സാം കറന്‍ 14 റൺസ് നേടി.
