ബംഗ്ലാദേശ് വനിത താരങ്ങള്‍ പണം സമ്പാദിക്കുന്നത് പ്രീമിയര്‍ ലീഗില്‍ കളിച്ചിട്ടാണെന്നും കൊറോണ മൂലം ഇത് ഉപേക്ഷിക്കുന്ന സാഹചര്യമാണെങ്കില്‍ തങ്ങളുടെ വരുമാനത്തെ അത് വല്ലാതെ ബാധിക്കുമെന്ന് താരങ്ങള്‍. വനിത ടി20 ലോകകപ്പില്‍ ബംഗ്ലാദേശ് വനിത ടീമില്‍ മെച്ചപ്പെട്ട പ്രകടനം പുറത്തെടുത്ത ഏക താരം മുര്‍ഷിദ ഖാടുന്‍ പറയുന്നത് തോല്‍വിയ്ക്ക് ശേഷം ടീമായി ഒത്തുചേര്‍ന്ന് തിരിച്ചുവരുവാനുള്ള അവസരമാണ് ഇപ്പോള്‍ കൊറോണ മൂലം നഷ്ടമായതെന്നാണ്.
എന്നാല്‍ ഈ വിഷയത്തില്‍ തങ്ങള്‍ക്കൊന്നും ചെയ്യാനാകില്ലെന്നും താരം പറഞ്ഞു. വനിത താരങ്ങള്‍ക്ക് സ്ഥിരമായി കളിക്കാന്‍ അവസരം ലഭിക്കാറില്ല, ഈ വര്‍ഷം ചില അന്താരാഷ്ട്ര ക്രിക്കറ്റ് മത്സരങ്ങള്‍ കളിക്കാനാകുമെന്നാണ് കരുതിയതെങ്കിലും ഇനിയിപ്പോള്‍ അത് സാധ്യമല്ലെന്നും താരം വ്യക്തമാക്കി.
ഇപ്പോള്‍ വനിത പ്രീമിയര്‍ ലീഗ് സാധ്യതയല്ലാതെ മാറുമ്പോള്‍ അത് വനിത താരങ്ങളെ വളരെയധികം ബാധിക്കുമെന്ന് താരം പറഞ്ഞു. വലിയ വിഭാഗം വനിത താരങ്ങളുടെ സാമ്പത്തിക സ്രോതസ്സ് എന്നത് പ്രീമിയര്‍ ലീഗിലെ വേതനം ആണ്. അതാണിപ്പോള്‍ ഇല്ലാതാകുന്നത്, ഇത് ഞങ്ങളെയെല്ലാം വല്ലാതെ ബാധിക്കുമെന്ന് മുര്‍ഷിദ ഖാട്ടുന്‍ പറഞ്ഞു
