എട്ട് വിക്കറ്റുമായി റോഷ്ടണ്‍ ചേസ്, കൂറ്റന്‍ വിജയം നേടി വിന്‍ഡീസ്

- Advertisement -

ഇംഗ്ലണ്ടിനെതിരെ 381 റണ്‍സിന്റെ വിജയം കരസ്ഥമാക്കി വിന്‍ഡീസ്. ബാര്‍ബഡോസില്‍ കൂറ്റന്‍ ലക്ഷ്യം പിന്തുടര്‍ന്ന ഇംഗ്ലണ്ടിനു രണ്ടാം ഇന്നിംഗ്സില്‍ 246 റണ്‍സ് മാത്രം നേടാനായപ്പോള്‍ ടീം വലിയ തോല്‍വിയേലേക്ക് വീഴുകയായിരുന്നു. നേരത്തെ ഇംഗ്ലണ്ടിന്റെ ഒന്നാം ഇന്നിംഗ്സ് 77 റണ്‍സില്‍ അവസാനിച്ചിരുന്നു. വിക്കറ്റ് വീഴാതിരുന്ന മൂന്നാം ദിവസത്തിനു ശേഷം ഇംഗ്ലണ്ടിന്റെ പത്ത് വിക്കറ്റുകള്‍ നാലാം ദിവസം വീവുകയായിരുന്നു.

8 വിക്കറ്റ് നേടിയ റോഷ്ടണ്‍ ചേസ് ആണ് ഇംഗ്ലണ്ടിന്റെ നടുവൊടിച്ചത്. ഇംഗ്ലണ്ട് നിരയില്‍ ഓപ്പണര്‍ റോറി ബേണ്‍സ് മാത്രമാണ് പൊരുതി നിന്നത്. 84 റണ്‍സാണ് താരത്തിന്റെ സംഭാവന. ബെന്‍ സ്റ്റോക്സ്(34), ജോണി ബൈര്‍സ്റ്റോ(30), ജോസ് ബട്‍ലര്‍(26) എന്നിവരാണ് റണ്‍സ് കണ്ടെത്തിയ മറ്റു താരങ്ങള്‍. ജേസണ്‍ ഹോള്‍ഡര്‍ ആണ് കളിയിലെ താരമായ തിരഞ്ഞെടുക്കപ്പെട്ടത്.

വിന്‍ഡീസ്: 289, 415/6 ഡിക്ലയര്‍

ഇംഗ്ലണ്ട്: 77, 246 ഓള്‍ഔട്ട്

Advertisement