വെയിഡിന്റെ മികവില്‍ ഓസ്ട്രേലിയ, മാക്സ്വെല്ലിനും അര്‍ദ്ധ ശതകം

Wade
- Advertisement -

മാത്യൂ വെയിഡിന്റെയും ഗ്ലെന്‍ മാക്സ്വെല്ലിന്റെയും അര്‍ദ്ധ ശതകങ്ങളുടെ മികവില്‍ ഇന്ത്യയ്ക്കെതിരെ മൂന്നാം ടി20യില്‍ 186 റണ്‍സ് നേടി ഓസ്ട്രേലിയ. ഇന്ന് ആദ്യം ബാറ്റ് ചെയ്ത ടീമിന് ക്യാപ്റ്റന്‍ ആരോണ്‍ ഫിഞ്ചിനെ പൂജ്യത്തിന് നഷ്ടമായ ശേഷം മാത്യു വെയിഡും സ്റ്റീവന്‍ സ്മിത്തും ചേര്‍ന്ന് രണ്ടാം വിക്കറ്റില്‍  65 റണ്‍സ് നേടുകയായിരുന്നു. സ്മിത്തിനെ പുറത്താക്കി വാഷിംഗ്ടണ്‍ സുന്ദര്‍ ആണ് ഇന്ത്യയ്ക്ക് വിക്കറ്റ് നേടിക്കൊടുത്തത്. ഫിഞ്ചിന്റെ വിക്കറ്റും വാഷിംഗ്ടണ്‍ സുന്ദര്‍ ആണ് നേടിയത്.

23 റണ്‍സ് നേടിയ സ്മിത്ത് പുറത്തായ ശേഷം തന്റെ അര്‍ദ്ധ ശതകം നേടിയ മാത്യു വെയിഡും മാക്സ്വെല്ലും ചേര്‍ന്നാണ് ഓസ്ട്രേലിയയുടെ ഇന്നിംഗ്സിനെ മുന്നോട്ട് നയിച്ചത്. 53 പന്തില്‍ 80 റണ്‍സ് നേടിയ വെയിഡ് 19ാം ഓവറില്‍ പുറത്താകുമ്പോള്‍ 53 പന്തില്‍ നിന്ന് 90 റണ്‍സാണ് കൂട്ടുകെട്ട് മൂന്നാം വിക്കറ്റില്‍ പടുത്തുയര്‍ത്തിയത്. ശര്‍ദ്ധുല്‍ താക്കൂറിനായിരുന്നു വിക്കറ്റ്.

Maxwell

അതേ ഓവറില്‍ മാക്സ്വെല്ലിന്റെ ക്യാച്ച് ചഹാല്‍ കൈവിട്ടുവെങ്കിലും തൊട്ടടുത്ത ഓവറില്‍ നടരാജന്‍ മാക്സ്വെല്ലിനെ പുറത്താക്കി. 36 പന്തില്‍ നിന്ന് 54 റണ്‍സാണ് മാക്സ്വെല്‍ നേടിയത്.

 

Advertisement