ഇന്ന് സൺ റൈസേഴ്സ് അടിച്ച അടിയെ കുറിച്ച് പറയാൻ തനിക്ക് വാക്കുകൾ ഇല്ല എന്ന് ലഖ്നൗ ക്യാപ്റ്റൻ കെ എൽ രാഹുൽ. ഇന്ന് 165 റൺസ് വെറും 9.4 ഓവറിൽ ആയിരുന്നു സൺ റൈസേഴ്സ് ചെയ്സ് ചെയ്തത്. ഇന്ന് പിച്ച് എങ്ങനെ പെരുമാറുന്നു എന്ന് നോക്കാൻ പോലും ഈ ബാറ്റർമാർ സമയം തന്നില്ല എന്ന് രാഹുൽ മത്സര ശേഷം പറഞ്ഞു.
“ഈ അടിയെ കുറിച്ച് പറയാൻ വാക്കുകൾ ഇല്ല. ഇത്തരത്തിലുള്ള ബാറ്റിംഗ് ഞങ്ങൾ ടിവിയിൽ കണ്ടിട്ടുണ്ട്. എന്നാൽ ഇത് അൺറിയൽ ബാറ്റിംഗ് ആണ്.” രാഹുൽ പറഞ്ഞു.
അവർ അടിക്കുന്നത് എല്ലാം ബാറ്റിൻ്റെ മധ്യഭാഗത്ത് തന്നെ തട്ടി. അവരുടെ കഴിവുകൾക്ക് അഭിനന്ദനങ്ങൾ. അവർ അവരുടെ സിക്സ് ഹിറ്റിംഗ് കഴിവുകൾക്കായി കഠിനാധ്വാനം ചെയ്തിട്ടുണ്ട്. രണ്ടാം ഇന്നിംഗ്‌സിലെ പിച്ച് എന്താണെന്ന് അറിയാൻ വരെ അവർ ഞങ്ങൾക്ക് അവസരം നൽകിയില്ല.” രാഹുൽ പറഞ്ഞു.
“ഞങ്ങൾക്ക് 40-50 റൺസ് കുറവായിരുന്നു. പവർപ്ലേയിൽ വിക്കറ്റുകൾ നഷ്ടമായപ്പോൾ ഞങ്ങൾക്ക് റൺ റേറ്റ് കൂട്ടാനായില്ല. ആയുഷും നിക്കിയും നന്നായി ബാറ്റ് ചെയ്ത് ഞങ്ങളെ 166-ൽ എത്തിച്ചു. പക്ഷേ ഞങ്ങൾക്ക് 240 അടിച്ചാൽ വരെ അവർ അത് പിന്തുടരാമായിരുന്നു.” രാഹുൽ പറഞ്ഞു.
