2015 ആഷസില്‍ തനിക്കെതിരെ ഒരു ഓസ്ട്രേലിയന്‍ താരം ഒസാമയെന്ന് വിളിച്ചെന്ന ആരോപണത്തില്‍ കൂടുതല്‍ അന്വേഷണത്തിനു പോകേണ്ടതില്ലെന്ന നിലപാടുമായി മോയിന്‍ അലി. തന്റെ ആത്മകഥയിലാണ് ഈ പരാമര്‍ശം ഇംഗ്ലണ്ട് താരം ഉന്നയിച്ചത്. അന്നിത് താന്‍ ഇംഗ്ലണ്ട് കോച്ച് ട്രെവര്‍ ബെയിലിസ് വഴി ഓസ്ട്രേലിയന്‍ കോച്ച് ഡാരെന്‍ ലീമാനെ അറിയിച്ചുവെങ്കിലും ആ താരം ഇത് നിഷേധിക്കുകയായിരുന്നു.
ഒരു ഓസ്ട്രേലിയന്‍ പത്രത്തോട് സംസാരിക്കവെയാണ് മോയിന്‍ അലി തന്റെ പുതിയ നിലപാടിനെക്കുറിച്ച് ഇംഗ്ലണ്ട് കോച്ച് ട്രെവര്‍ ബെയിലിസ് അഭിപ്രായപ്പെട്ടത്. മോയിന്‍ അലിയ്ക്ക് ഇതില്‍ കൂടുതല്‍ വിവാദമുണ്ടാക്കണമെന്ന് താല്പര്യമില്ലെന്നും ആര്‍ക്കും പ്രശ്നങ്ങളുണ്ടാക്കമെന്നും താരം ആഗ്രഹിക്കുന്നില്ലെന്നും ബെയിലിസ് അഭിപ്രായപ്പെട്ടു.
