ഇന്നലെ പാക്കിസ്ഥാനെതിരെ 47 റണ്‍സിന്റെ വിജയം ന്യൂസിലാണ്ട് ആദ്യ ഏകദിനത്തില്‍ നേടിയപ്പോള്‍ അത് ടീമിന്റെ പാക്കിസ്ഥാനെതിരെയുള്ള 12ാമത്തെ തുടര്‍ച്ചയായുള്ള ഏകദിന വിജയമായിരുന്നു. 2014-18 വരെ ഒരു പരാജയം പോലും പാക്കിസ്ഥാനെതിരെ ഏകദിനത്തില്‍ ന്യൂസിലാണ്ട് നേരിട്ടിട്ടില്ല എന്നാണ് കണക്കുകള്‍ സൂചിപ്പിക്കുന്നത്.

എന്നാല്‍ പാക്കിസ്ഥാനെ തുടരെ ഏറ്റവും അധികം ഏകദിനങ്ങളില്‍ തോല്പിച്ച ചരിത്രം ന്യൂസിലാണ്ടിനല്ല അത് ദക്ഷിണാഫ്രിക്കയ്ക്കാണ്. തുടര്‍ച്ചയായ 14 മത്സരങ്ങളിലാണ് 1995-2000 വരെയുള്ള കാലയളവില്‍ ദക്ഷിണാഫ്രിക്ക പാക്കിസ്ഥാനെ മുട്ടുകുത്തിച്ചത്. ന്യൂസിലാണ്ടിനു പിന്നിലായി മൂന്നാം സ്ഥാനത്തുള്ളത് വിന്‍ഡീസാണ്. 1992-3 വരെ 9 തുടര്‍ മത്സരങ്ങളില്‍ വിന്‍ഡീസ് പാക്കിസ്ഥാനെ കെട്ടുകെട്ടിച്ചിരുന്നു.

Loading...