ടെസ്റ്റ് ക്രിക്കറ്റിൽ നിന്ന് വിരമിക്കുവാന്‍ ക്വിന്റൺ ഡി കോക്ക് തീരുമാനിച്ചപ്പോള്‍ താരത്തിന് വെറും 29 വയസ്സ് മാത്രമായിരുന്നു പ്രായം. ഇന്ത്യയ്ക്കെതിരെ സെഞ്ചൂറിയണിലെ ആദ്യ ടെസ്റ്റിന് ശേഷമാണ് ഡി കോക്ക് തന്റെ വിരമിക്കിൽ തീരുമാനം പ്രഖ്യാപിച്ചത്.
എന്നാൽ താരത്തിന്റെ ഈ തീരുമാനം ഏവരെയും ഞെട്ടിച്ചുവെന്നാണ് ടീം മുഖ്യ കോച്ച് മാര്‍ക്ക് ബൗച്ചര്‍ വ്യക്തമാക്കിയത്. എന്നാൽ അദ്ദേഹത്തിന്റെ തീരുമാനത്തെ ബഹുമാനിക്കുന്നുവെന്നാണ് ബൗച്ചര്‍ അഭിപ്രായപ്പെട്ടത്.
ഈ തീരുമാനം ആരും പ്രതീക്ഷിച്ചതല്ലെന്നും അപ്രതീക്ഷിതമായ ഘട്ടത്തിലെത്തിയ ഈ തീരുമാനത്തെ മറന്ന് ടീം മുന്നോട്ട് പോകണമെന്നും അടുത്ത മത്സരത്തിലേക്ക് ശ്രദ്ധ തിരിക്കണമെന്നും മാര്‍ക്ക് ബൗച്ചര്‍ വ്യക്തമാക്കി.
ഡി കോക്കിനെ പോലെ ഇത്രയും പ്രതിഭയുള്ള ഒരു താരം ഇത്ര ചെറുപ്പത്തിൽ രാജി വയ്ക്കുക എന്നത് ആര്‍ക്കും ഉള്‍ക്കൊള്ളാനാകുന്ന ഒന്നല്ല, എന്നാൽ അദ്ദേഹത്തിന്റെ തീരുമാനത്തെ പിന്തുണയ്ക്കുകയാണ് താനും ദക്ഷിണാഫ്രിക്കന്‍ ടീമും എന്ന് മാര്‍ക്ക് ബൗച്ചര്‍ വ്യക്തമാക്കി.
