ക്രൈസ്റ്റ്ചര്‍ച്ച് ടെസ്റ്റിലെ ഇരു ഇന്നിംഗ്സുകളിലും പൂജ്യത്തിന് പുറത്തായി ഷാന്‍ മസൂദ്. ബേ ഓവലിലെ രണ്ടാം ഇന്നിംഗ്സില്‍ പൂജ്യത്തിന് പുറത്തായ താരത്തിന്റെ ഇത് മൂന്നാമത്തെ പൂജ്യത്തിന് പുറത്താകലാണ്. മൂന്നാം ദിവസത്തെ കളി അവസാനിക്കുമ്പോള്‍ ക്രൈസ്റ്റ്ചര്‍ച്ചില്‍ പാക്കിസ്ഥാന്‍ തങ്ങളുടെ രണ്ടാം ഇന്നിംഗ്സില്‍ 8/1 എന്ന നിലയിലാണ്.
ഇന്നിംഗ്സ് തോല്‍വി ഒഴിവാക്കുവാന്‍ പാക്കിസ്ഥാന്‍ 354 റണ്‍സ് കൂടി നേടേണ്ടതുണ്ട്. കൈല്‍ ജാമിസണിന് ആണ് മസൂദിന്റെ വിക്കറ്റ് ലഭിച്ചത്. ആബിദ് അലി(7*), മുഹമ്മദ് അബ്ബാസ്(1*) എന്നിവരാണ് പാക്കിസ്ഥാനായി ക്രീസിലുള്ളത്.
