സിംബാബ്‍വേയ്ക്കെതിരെയുള്ള ടെസ്റ്റ് വിജയം അടുത്ത ലോക ടെസ്റ്റ് ചാമ്പ്യന്‍ഷിപ്പിനുള്ള തുടക്കമായി കാണുന്നു

Bangladesh

സിംബാബ്‍വേയ്ക്കെതിരെയുള്ള ബംഗ്ലാദേശിന്റെ വിജയം അടുത്ത ഡബ്ല്യുടിസി സൈക്കിളിനായുള്ള പ്രഛോദനമായി കാണുന്നുവെന്ന് പറഞ്ഞ് ടീം ക്യാപ്റ്റന്‍ മോമിനുള്‍ ഹക്ക്. ഓഗസ്റ്റിലാണ് പുതിയ സീസൺ ആരംഭിക്കുന്നത്. അതേ സമയം കഴിഞ്ഞ സീസണിലെ അവസാന സ്ഥാനക്കാരായിരുന്നു ബംഗ്ലാദേ്. ഇത് തങ്ങളുടെ ആത്മവിശ്വാസം വര്‍ദ്ധിപ്പിക്കുവാന്‍ ഏറെ സഹായിക്കുമെന്നും മോമിനുള്‍ വ്യക്തമാക്കി.

അടുത്ത സീസണിലേക്കുള്ള തയ്യാറെടുപ്പുകളുടെ തുടക്കമായി ഇതിനെ കാണാമെന്നും ടീമിലെ ഓരോ താരങ്ങള്‍ക്കും അവര്‍ ചെയ്യേണ്ട റോളിനെക്കുറിച്ച് ഇപ്പോള്‍ നിശ്ചയമുണ്ടെന്നാണ് കരുതുന്നതെന്നും താരം വ്യക്തമാക്കി. ആദ്യ ഇന്നിംഗ്സിൽ 132/6 എന്ന നിലയിലേക്ക് വീണ ബംഗ്ലാദേശ് ശക്തമായ തിരിച്ചുവരവാണ് മത്സരത്തിൽ നടത്തിയത്. ഈ രീതിയിൽ വിജയം പിടിച്ചെടുക്കാനായത് ടീമിന്റെ ആത്മവിശ്വാസത്തെ ഉയര്‍ത്തുമെന്നും മോമിനുള്‍ വ്യക്തമാക്കി.

മഹമ്മുദുള്ളയുടെ ലിറ്റൺ ദാസ്, ടാസ്കിന്‍ എന്നിവരുമായുള്ള കൂട്ടുകെട്ട് രണ്ടാം ഇന്നിംഗ്സിൽ വലിയ സമ്മര്‍ദ്ദമില്ലാതെ ഷദ്മന്‍ – ഷാന്റോ എന്നിവര്‍ക്ക് കളിക്കുവാന്‍ അവസരം നല്‍കിയെന്നും മോമിനുള്‍ കൂട്ടിചേര്‍ത്തു.

Previous articleബിഗ് ബാഷ് ഡിസംബര്‍ ആദ്യ വാരം മുതൽ, കമ്മിന്‍സ്, സ്റ്റാര്‍ക്ക് എന്നിവര്‍ വിട്ട് നില്‍ക്കും
Next articleകൈവിട്ട ക്യാച്ചുകള്‍ തിരിച്ചടിയായി – ഡൊണാള്‍ഡ് ടിരിപാനോ