സംഗക്കാരയെയും ആന്‍ഡി ഫ്ലവറിനെയും ഐസിസി ഹാള്‍ ഓഫ് ഫെയിമിൽ ഉള്‍പ്പെടുത്തി, ഇന്ത്യയുടെ വിനു മങ്കഡും ലിസ്റ്റിൽ

Kumarsangakkara

ഐസിസിയുടെ ഹാള്‍ ഓഫ് ഫെയിമിലേക്ക് കുമാര്‍ സംഗക്കാരയെയും ആന്‍ഡി ഫ്ലവറിനെയും ഉള്‍പ്പെടെ പത്ത് താരങ്ങളെ ഉള്‍പ്പെടുത്തി. ഇതോടെ ഹാള്‍ ഓഫ് ഫെയിമിലെ ആകെ അംഗങ്ങളുടെ എണ്ണം 103 ആയി ഉയര്‍ന്നു. ടെസ്റ്റ് ക്രിക്കറ്റിലെ എക്കാലത്തെയും മികച്ച വിക്കറ്റ് കീപ്പര്‍മാരായിരുന്നു സംഗക്കാരയും ആന്‍ഡി ഫ്ലവറും. ശ്രീലങ്കയിൽ നിന്നുള്ള രണ്ടാമത്തെ താരമാണ് സംഗക്കാര. മുമ്പ് മുത്തയ്യ മുരളീധരന്‍ പട്ടികയിൽ ഇടം പിടിച്ചിട്ടുണ്ട്. ആന്‍ഡി ഫ്ലവര്‍ സിംബാബ്‍വേയിൽ നിന്ന് ഈ പട്ടികയിൽ ഇടം പിടിച്ച ആദ്യ താരമാണ്.

ശ്രീലങ്കയുടെയും സിംബാബ്‍വേയുടെയും ഈ രണ്ട് മുന്‍കാല താരങ്ങള്‍ക്ക് പുറമെ എട്ട് താരങ്ങളെ കൂടി ഉള്‍പ്പെടുത്തിയിട്ടുണ്ട്. ഇതിൽ ഇന്ത്യയുടെ വിനു മങ്കഡും ഉള്‍പ്പെടുന്നു.

Icchalloffame

ഓബ്രേ ഫോക്നര്‍(ദക്ഷിണാഫ്രിക്ക), മോണ്ടി നോബിള്‍(ഓസ്ട്രേലിയ), സര്‍ ലയറി കോൺ‍സ്റ്റന്‍റൈന്‍(വെസ്റ്റ് ഇന്‍ഡീസ്), സ്റ്റാന്‍ മക്കാബേ(ഓസ്ട്രേലിയ), ഡെസ്മണ്ട് ഹെയിന്‍സ്(വെസ്റ്റ് ഇന്‍ഡീസ്), ടെഡ് ഡെക്സ്റ്റര്‍(ഇംഗ്ലണ്ട്), ബോബ് വില്ലിസ്(ഇംഗ്ലണ്ട്) എന്നിവരാണ് പട്ടികയിൽ ഇടം പിടിച്ച മറ്റ് താരങ്ങള്‍.

Previous articleയൂറോ കപ്പിൽ കളിക്കുന്ന ഏറ്റവും പ്രായം കുറഞ്ഞ താരമായി മാറി ജൂഡ് ബെല്ലിങ്ഹാം
Next articleടോസ് നേടി ബാറ്റിംഗ് തിരഞ്ഞെടുത്തതിൽ തെറ്റുണ്ടെന്ന് തോന്നുന്നില്ല – ക്രെയിഗ് ബ്രാത്‍വൈറ്റ്