താന്‍ ജോഫ്രയ്ക്കെതിരെ കളിച്ചിട്ടുണ്ടെന്നും അതിനാല്‍ തന്നെ താരം എത്ര അപകടകാരിയാണെന്നുള്ള ബോധമുണ്ടെന്നും പറഞ്ഞ് വിന്‍ഡീസ് താരം റോസ്ടണ്‍ ചേസ്. ബാര്‍ബഡോസില്‍ ഫസ്റ്റ് ക്ലാസ് ക്രിക്കറ്റ് കളിക്കുമ്പോള്‍ അന്ന് ജോഫ്ര ആര്‍ച്ചറും ബാര്‍ബഡോസില്‍ സസ്സെക്സ് പ്രീമിയര്‍ ലീഗില്‍ കളിച്ചിരുന്നു.
അന്ന് ചേസിന്റെ ഉള്‍പ്പെടെ വിക്കറ്റുകള്‍ നേടിയ ജോഫ്ര ചേസിന്റെ ടീമായ കുക്ക്ഫീല്‍ഡിനെ 8/5 എന്ന നിലയിലേക്ക് തള്ളിയിട്ടിരുന്നു. പിന്നീട് താരത്തിന് പരിക്കേറ്റ് പുറത്ത് പോയ ശേഷമാണ് തന്റെ ടീം മത്സരത്തിലേക്ക് തിരികെ എത്തിയതെന്നും ചേസ് വ്യക്തമാക്കി. താന്‍ നേരിട്ട ആദ്യ പന്തില്‍ തന്നെ പുറത്തായി എന്നും ചേസ് ഓര്‍ത്തെടുത്തു പറഞ്ഞു.
ജോഫ്രയുടെ പരിക്ക് തന്റെ ടീമായ കുക്ക്ഫീല്‍ഡിനെ വലിയ വിജയത്തിലേക്ക് നയിച്ചുവെന്നും ചേസ് വ്യക്തമാക്കി. അന്നത്തെതിലും പേസ് ഉള്ള താരം ഇപ്പോള്‍ കൂടുതല്‍ അപകടകാരിയാണെന്നും ചേസ് വ്യക്തമാക്കി.
