ക്രൈസ്റ്റ്ചര്‍ച്ചില്‍ ന്യൂസിലാണ്ടിനോടേറ്റ കനത്ത പരാജയത്തിന്റെ ഉത്തരവാദിത്വം താന്‍ ഏറ്റെടുക്കന്നതായി പറഞ്ഞ് ക്യാപ്റ്റന്‍ മുഹമ്മദ് റിസ്വാന്‍. താന്‍ മികച്ച രീതിയില്‍ കീപ്പ് ചെയ്തില്ലെന്നും പാക്കിസ്ഥാന്റെ ഫീല്‍ഡിംഗും മോശമായിരുന്നുവെന്ന് റിസ്വാന്‍ സൂചിപ്പിച്ചു. ബൗളര്‍മാര്‍ അവസരങ്ങള്‍ സൃഷ്ടിച്ചുവെങ്കിലും ഫീല്‍ഡര്‍മാര്‍ ക്യാച്ചുകള്‍ കൈക്കലാക്കാതിരുന്നതോടെ കാര്യങ്ങള്‍ കൂടുതല്‍ പ്രയാസമായി എന്ന് റിസ്വാന്‍ അഭിപ്രായപ്പെട്ടു.
ടീം ശ്രമിച്ചുവെങ്കിലും അത് ശരിയായ ഫലം കണ്ടില്ലെന്നും പാക്കിസ്ഥാന്‍ ക്യാപ്റ്റന്‍ വ്യക്തമാക്കി. മൂന്ന് മേഖലകളിലും തന്റെ ടീം പരാജയമായിരുന്നുവെന്നും പാക്കിസ്ഥാന്‍ നായകന്‍ വ്യക്തമാക്കി.
