വെറും മൂന്ന് ടെസ്റ്റുകള്‍ മാത്രം കളിച്ച ശേഷം അഫ്ഗാനിസ്ഥാന്റെ ടെസ്റ്റ് ടീമില്‍ നിന്ന് ബംഗ്ലാദേശിനെതിരെയുള്ള ടെസ്റ്റ് വിജയത്തോടെ വിടവാങ്ങുവാന്‍ തീരുമാനിച്ച താരമാണ് മുഹമ്മദ് നബി. ടി20യില്‍ മിന്നും ഫോമില്‍ കളിച്ച് ടീമിന് വിജയത്തിനാവശ്യമായ റണ്ണിലേക്ക് എത്തിച്ച് ഇന്നലെ മാന്‍ ഓഫ് ദി മാച്ച് പുരസ്കാരം നേടിയ മുഹമ്മദ് നബി പറയുന്നത് ടെസ്റ്റില്‍ നിന്ന് വിരമിക്കുവാനുള്ള തന്റെ തീരുമാനം ശരിയാണെന്നാണ്.
യുവ താരങ്ങള്‍ ടെസ്റ്റ് ക്രിക്കറ്റ് കളിച്ച് തെളിയേണ്ടിയും തെളിയിക്കേണ്ടിയും ഇരിക്കുന്നു. ആ അവസരം അവര്‍ക്കായി വിട്ട് നല്‍കുകയാണ് നല്ലതെന്നും താന്‍ വൈറ്റ് ബോള്‍ ക്രിക്കറ്റില്‍ ശ്രദ്ധ കേന്ദ്രീകരിക്കുന്നതാണ് ഏറ്റവും നല്ലതെന്നാണ് തോന്നിയതെന്നും അതാണ് തന്റെ വിരമിക്കില്‍ തീരുമാനത്തിന് പിന്നിലെന്നും നബി പറഞ്ഞു. ഫ്രാഞ്ചൈസി ക്രിക്കറ്റ് കളിക്കുന്നതും അന്താരാഷ്ട്ര ക്രിക്കറ്റ് കളിക്കുന്നതും തമ്മില്‍ ഏറെ വ്യത്യാസമുണ്ടെന്നും നബി കൂട്ടിചേര്‍ത്തു.
