ആഷസിലെ മികച്ച ബാറ്റിംഗ് പ്രകടനത്തിന്റെ ബലത്തില്‍ റാങ്കിംഗില്‍ മെച്ചപ്പെട്ട സ്ഥാനങ്ങളിലേക്ക് എത്തി ഇംഗ്ലണ്ട് ഓസ്ട്രേലിയ താരങ്ങള്‍. തന്റെ കരിയറിലെ ഏറ്റവും മികച്ച റാങ്കിലേക്ക് ഉയരുവാന്‍ റോറി ബേണ്‍സിന് സാധിച്ചു. അഞ്ച് സ്ഥാനങ്ങള്‍ മെച്ചപ്പെടുത്തിയ ബേണ്‍സ് 56ാം റാങ്കിലെത്തിയപ്പോള്‍ 10 സ്ഥാനങ്ങള്‍ മെച്ചപ്പെടുത്തി ജോസ് ബട്‍ലര്‍ ആദ്യ മുപ്പതിനുള്ളിലേക്ക് എത്തി. നിലവില്‍ 27ാം റാങ്കിലാണ് ജോസ് ബട്‍ലറുടെ സ്ഥാനം.
അവസാന ടെസ്റ്റില്‍ ശതകവുമായി ഓസ്ട്രേലിയയ്ക്ക് വേണ്ടി പൊരുതി വീണ മാത്യു വെയിഡ് റാങ്കിംഗില്‍ 5 സ്ഥാനം മെച്ചപ്പെടുത്തി 78ാം റാങ്കിലേക്ക് എത്തി. റാങ്കിംഗില്‍ ഒന്നാം സ്ഥാനത്ത് സ്റ്റീവ് സ്മിത്ത് തന്നെയാണ് ഒന്നാം സ്ഥാനത്ത് നില്‍ക്കുന്നത്. 937 റേറ്റിംഗ് പോയിന്റുള്ള സ്മിത്തിന് പിന്നിലായി 903 പോയിന്റുമായി ഇന്ത്യന്‍ നായകന്‍ വിരാട് കോഹ്‍ലിയാണ് രണ്ടാം സ്ഥാനത്ത്.
