രഞ്ജി ട്രോഫിയുടെ സെമി ഫൈനലില്‍ കടന്ന് യുപി. ഇന്ന് കര്‍ണ്ണാടകയ്ക്കെിരെ 5 വിക്കറ്റ് വിജയം നേടിയപ്പോള്‍ രണ്ടാം ഇന്നിംഗ്സിലെ തകര്‍പ്പന്‍ ബൗളിംഗാണ് യുപിയുടെ വിജയത്തിന് കാരണം.
ആദ്യ ഇന്നിംഗ്സ് ലീഡ് നേടിയെങ്കിലും രണ്ടാം ഇന്നിംഗ്സില്‍ വെറും 114 റൺസ് മാത്രമാണ് കര്‍ണ്ണാടക നേടിയത്. ഇതോടെ 213 റൺസായി യുപിയുടെ വിജയ ലക്ഷ്യം. 5 വിക്കറ്റ് നഷ്ടത്തിൽ ടീം അത് മറികടന്നപ്പോള്‍ ക്യാപ്റ്റന്‍ കരൺ ശര്‍മ്മ പുറത്താകാതെ 93 റൺസുമായി വിജയത്തിൽ പ്രധാന പങ്ക് വഹിച്ചു.
പ്രിയം ഗാര്‍ഗ് 52 റൺസും പ്രിന്‍സ് യാദവ് പുറത്താകാതെ 33 റൺസും നേടി യുപിയ്ക്കായി നിര്‍ണ്ണായക പ്രകടനം പുറത്തെടുത്തു.
