ബാറ്റിംഗ് മറന്ന് കേരളം, 5 വിക്കറ്റ് നഷ്ടം

Sachinbaby

സര്‍വീസസ്സിനെതിരെ രഞ്ജി ട്രോഫി മത്സരത്തിൽ കേരളത്തിന് ബാറ്റിംഗ് തകര്‍ച്ച. ഒടുവിൽ റിപ്പോര്‍ട്ട് കിട്ടുമ്പോള്‍ കേരളം 49 ഓവറിൽ 141/5 എന്ന നിലയിലാണ്. 69 റൺസുമായി സച്ചിന്‍ ബേബിയും 42 റൺസ് നേടിയ സൽമാന്‍ നിസാറും മാത്രമാണ് കേരള നിരയിൽ തിളങ്ങിയത്.

16 റൺസുമായി അക്ഷയ് ചന്ദ്രന്‍ ആണ് സച്ചിന്‍ ബേബിയ്ക്ക് കൂട്ടായി ക്രീസിലുള്ളത്. 19 റൺസ് നേടുന്നതിനിടെ കേരളത്തിന് 4 വിക്കറ്റാണ് നഷ്ടമായത്. അവിടെ നിന്ന് സച്ചിന്‍ – സൽമാന്‍ കൂട്ടുകെട്ടാണ് കേരളത്തിനെ നൂറ് കടത്തിയത്.

തിരുവനന്തപുരം തുമ്പ സെയിന്റ് സേവിയേഴ്സ് കെസിഎ സ്റ്റേഡിയത്തിലാണ് മത്സരം നടക്കുന്നത്.  മത്സരത്തിൽ ടോസ് നേടിയ കേരളം ബാറ്റിംഗ് തിരഞ്ഞെടുക്കുകയായിരുന്നു.