രഞ്ജി ട്രോഫിയില്‍ മധ്യ പ്രദേശിനെതിരെ കേരളത്തെ കാത്തിരിക്കുന്നത് നാണംകെട്ട തോല്‍വി. ആദ്യ ഇന്നിംഗ്സില്‍ 63 റണ്‍സിനു ഓള്‍ഔട്ട് ആയ ടീം രമ്ടാം ഇന്നിംഗ്സില്‍ 38/4 എന്ന നിലയിലാണ്. ഒന്നാം ഇന്നിംഗ്സില്‍ 328 റണ്‍സ് നേടിയ മധ്യ പ്രദേശിനെതിരെ ഇന്നിംഗ്സ് തോല്‍വി ഒഴിവാക്കുവാന്‍ കേരളം 227 റണ്‍സ് കൂടി നേടേണ്ടതുണ്ട്. രണ്ട് ദിവസം അവശേഷിക്കെ തോല്‍വി ഒഴിവാക്കുവാന്‍ അത്ഭുതങ്ങള്‍ സംഭവിച്ചാല്‍ മാത്രമേ കേരളത്തിനു സാധ്യമാവുകയുള്ളു.
20 റണ്‍സ് നേടിയ നായകന്‍ സച്ചിന്‍ ബേബിയും വിഎ ജഗദീഷും(9) ആണ് ക്രീസില്‍ നില്‍ക്കുന്നത്. രണ്ടാം ഇന്നിംഗ്സില്‍ കുല്‍ദീപ് സിംഗും ആവേശ് ഖാനും രണ്ട് വീതം വിക്കറ്റുകള്‍ സന്ദര്‍ശകര്‍ക്കായി നേടിയിട്ടുണ്ട്.
നേരത്തെ ഒന്നാം ഇന്നിംഗ്സില്‍ മധ്യ പ്രദേശ് 328 റണ്‍സ് നേടി പുറത്താകുകയായിരുന്നു. 79 റണ്‍സ് നേടിയ യഷ് ദുബേ, നമാന്‍ ഓജ എന്നിവര്‍ക്കൊപ്പം രജത് പഡിദാര്‍ 73 റണ്‍സ് നേടി മദ്യ പ്രദേശ് നിരയില്‍ തിളങ്ങി. കേരളത്തിനായി ജലജ് സക്സേന നാലം ബേസില്‍ തമ്പി, സന്ദീപ് വാര്യര്‍ എന്നിവര്‍ രണ്ട് വീതം വിക്കറ്റും നേടി.
