സഞ്ജുവും റോബിനും പുറത്ത്, മികച്ച നിലയില്‍ നിന്ന് തകര്‍ന്ന് കേരളം

- Advertisement -

ബംഗാളിനെതിരെ രഞ്ജി ട്രോഫി മത്സരത്തിന്റെ ആദ്യ ദിവസം അവസാനിക്കുമ്പോള്‍ കേരളത്തിന് 237 റണ്‍സ്. 7 വിക്കറ്റ് നഷ്ടത്തിലാണ് ടീം ഈ റണ്‍സ് നേടിയിട്ടുള്ളത്. 53/3 എന്ന നിലയില്‍ നിന്ന് നാലാം വിക്കറ്റില്‍ റോബിന്‍ ഉത്തപ്പയും സഞ്ജുവും ചേര്‍ന്ന് കേരളത്തിനെ 191 റണ്‍സിലേക്ക് നയിച്ചുവെങ്കിലും അധികം വൈകാതെ കേരളത്തിന് തുടരെ വിക്കറ്റുകള്‍ നഷ്ടമാകുകയായിരുന്നു. 50 റണ്‍സ് പൂര്‍ത്തിയാക്കിയ ഉടനെ റോബിന്‍ ഉത്തപ്പ അര്‍ണാബ് നന്ദിയ്ക്ക് വിക്കറ്റ് നല്‍കിയപ്പോള്‍ തൊട്ടടുത്ത പന്തില്‍ വിഷ്ണു വിനോദിനെയും കേരളത്തിന് നഷ്ടമായി.

191/3 എന്ന നിലയില്‍ നിന്ന് കേരളം 191/5 എന്ന നിലയിലേക്ക് വീണു. അധികം വൈകാതെ 116 റണ്‍സ് നേടിയ സഞ്ജുവിനെയും കേരളത്തിന് നഷ്ടമായി. ഷഹ്ബാസിനായിരുന്നു വിക്കറ്റ്. ബംഗാളിനായി അര്‍ണാബ് നന്ദിയും ഷഹ്ബാസ് അഹമ്മദും രണ്ട് വീതം വിക്കറ്റ് നേടി.

Advertisement