Category: PSL

ഇന്നലെ നടന്ന പാകിസ്താൻ സൂപ്പർ ലീഗ് പ്ലയർ ഡ്രാഫ്റ്റ് വിവാദത്തിൽ. മുൻ പാകിസ്താൻ വിക്കറ്റ് കീപ്പർ കമ്രാൻ അക്മൽ തന്നെ ലേലത്തിൽ അപമാനിച്ചു എന്ന് പറഞ്ഞ് പാകിസ്താൻ സൂപ്പർ ലീഗ് ബഹിഷ്കരിക്കുന്നതായി പ്രഖ്യാപിച്ചു. പി‌എസ്‌എൽ ചരിത്രത്തിൽ ഏറ്റവും കൂടുതൽ മത്സരങ്ങൾ കളിച്ച കളിക്കാരനും ടൂർണമെന്റിലെ ഏറ്റവും കൂടുതൽ റൺസ് നേടിയ രണ്ടാമത്തെ കളിക്കാരനുമായ കമ്രാൻ അക്മൽ ഡ്രാഫ്റ്റിൽ ഏറ്റവും വില കുറഞ്ഞ കാറ്റഗറിയിൽ നിന്ന് ആണ് ലേലത്തിൽ പോയത്. ഇതാണ് താരത്തെ രോഷാകുലനാക്കിയത്.

അദ്ദേഹത്തിന്റെ പഴയ ടീമായ പെഷവാർ സാൽമി തന്നെ ആണ് താരത്തെ സ്വന്തമാക്കിയത്. എന്നാൽ ഈ ലേലം ഒരു അപമാനം എന്ന് അക്മൽ പറഞ്ഞു, “ഇത് ഇങ്ങനെ അവസാനിക്കണമെങ്കിൽ, അങ്ങനെയാകട്ടെ, പക്ഷേ ഞാൻ കളിക്കാൻ പോകുന്നില്ല”. ഡ്രാഫ്റ്റിന് ശേഷം അദ്ദൃഹം പറഞ്ഞു.

അക്മലിനെ ഡയമണ്ട് വിഭാഗത്തിൽ നിന്ന് ഗോൾഡ് വിഭാഗത്തിലേക്ക് മാറ്റി ആയിരുന്നു ലേലം ആരംഭിച്ചത്. എന്നാൽ ഒടുവിൽ സിൽവർ വിഭാഗത്തിൽ നിന്ന് ആണ് സാൽമി അക്മലിനെ സ്വന്തമാക്കിയത്. തന്റെ തീരുമാനത്തിൽ മാറ്റമില്ല എന്ന് തന്നെയാണ് അക്മൽ പറയുന്നത്.

വ്യക്തിപരമായ കാരണങ്ങളാൽ പാക്കിസ്ഥാന്‍ സൂപ്പര്‍ ലീഗിൽ നിന്ന് പിന്മാറുകയാണെന്ന് പറഞ്ഞ ഹസന്‍ അലി തന്റെ തീരുമാനത്തിൽ നിന്ന് പിന്മാറുകയാണെന്ന് അറിയിച്ചു. കുടുംബത്തിലൊരു പ്രശ്നമുണ്ടായിരുന്നുവെന്നും തന്റെ സാന്നിദ്ധ്യം ഏറെ ആവശ്യമായി തോന്നിയതിനാലാണ് ഈ തീരുമാനം എടുത്തതെന്ന് ഇന്നലെ ഹസന്‍ അലി സൂചിപ്പിച്ചിരുന്നു. എന്നാൽ തന്റെ ഭാര്യ ഈ വിഷയം പരിഹരിച്ചിരുന്നുവെന്നാണ് താരം അറിയിച്ചത്.

തന്റെ ഭാര്യ തന്നോട് ക്രിക്കറ്റു കരിയറും ശ്രദ്ധിക്കുവാനും പ്രശ്ന പരിഹാരം സ്വയം നടത്തിക്കോളാമെന്നും അറിയിക്കുകയായിരുന്നുവെന്ന് ഹസന്‍ അലി വ്യക്തമാക്കി.

പാക്കിസ്ഥാന്‍ സൂപ്പര്‍ ലീഗിൽ നിന്ന് പിന്മാറി ഇസ്ലാമാബാദ് യുണൈറ്റഡ് താരം ഹസന്‍ അലി. വ്യക്തിപരമായ കാരണങ്ങള്‍ ചൂണ്ടിക്കാണിച്ചാണ് താരത്തിന്റെ പിന്മാറ്റം. ഈ സീസണിൽ പത്ത് വിക്കറ്റ് നേടിയ താരം ബൗളര്‍മാരുടെ പട്ടികയിൽ രണ്ടാം സ്ഥാനത്താണ്. പിഎസ്എൽ യുഎഇയിൽ പുനരാരംഭിച്ച ശേഷം താരം രണ്ട് മത്സരങ്ങളിൽ കളിച്ചിരുന്നു.

ക്രിക്കറ്റിനെക്കാള്‍ പ്രാധാന്യമുള്ള കാര്യങ്ങള്‍ പലതുമുണ്ടെന്നും അതിലൊന്നാണ് കുടുംബമെന്ന് പറഞ്ഞ താരം ഇസ്ലാമാബാദ് യുണൈറ്റഡ് ഫാന്‍സിനോട് തന്റെ നന്ദി അറിയിച്ചു. തന്റെ തീരുമാനം മനസ്സിലാക്കിയതിനും അംഗീകരിച്ചതിനും താന്‍ ഇസ്ലാമാബാദ് യുണൈറ്റഡ് ടീം മാനേജ്മെന്റിനോട് നന്ദി അറിയിക്കുന്നതായും താരം പറഞ്ഞു.

ഹസന്‍ അലിയുടെ പിന്മാറ്റം ടീമിന് കനത്ത നഷ്ടമാണെന്ന് ക്യാപ്റ്റന്‍ ഷദബ് ഖാന്‍ പറ‍ഞ്ഞു. എന്നാൽ താരത്തിന്റെ തീരുമാനം മനസ്സിലാക്കുന്നുവെന്നും താരത്തിനൊപ്പം തങ്ങളുടെ പിന്തുണയുണ്ടെന്നും ഷദബ് പറഞ്ഞു.