പൃഥ്വി ഷാ ശ്രീലങ്കയിൽ തിളങ്ങിയാൽ ഇന്ത്യയുടെ ടി20 ലോകകപ്പ് ടീമിൽ ഉള്‍പ്പെടുത്തണം

Photo: Twitter/@cricbuzz

ശ്രീലങ്കയിൽ ഇന്ത്യയ്ക്കായി തിളങ്ങുവാന്‍ പൃഥ്വി ഷായ്ക്ക് കഴിഞ്ഞാൽ താരത്തെ ഇന്ത്യയുടെ ടി20 ലോകകപ്പ് സ്ക്വാഡിൽ ഉള്‍പ്പെടുത്തണമെന്ന് പറ‍ഞ്ഞ് മുഹമ്മദ് കൈഫ്. ഐപിഎലിലും ആഭ്യന്തര ക്രിക്കറ്റിലും മികച്ച ഫോമിലാണ് താരം കളിച്ചതെന്നും അത് ലങ്കയിലും തുടരാനായാൽ ഷായ്ക്ക് ഇന്ത്യന്‍ ടീമിലിടം ലഭിയ്ക്കുമെന്നും കൈഫ് അഭിപ്രായം രേഖപ്പെടുത്തി.

വലിയ ഇന്നിംഗ്സുകള്‍ പൃഥ്വി നേടേണ്ടതുണ്ടെന്നും ഇന്ത്യന്‍ താരങ്ങളിൽ നിന്നുള്ള വെല്ലുവിളിയുണ്ടെന്നതിനാൽ തന്നെ താരത്തിന്റെ പക്കൽ നിന്ന് വലിയ ഇന്നിംഗ്സുകള്‍ വരേണ്ടതുണ്ടെന്നും കൈഫ് സൂചിപ്പിച്ചു. ഇന്ത്യന്‍ ടീമിൽ കളി മാറ്റി മറിയ്ക്കാവുന്ന ഇന്നിംഗ്സ് കളിക്കുവാന്‍ ശേഷിയുള്ള താരമാണ് പൃഥ്വി ഷാ എന്നും മുഹമ്മദ് കൈഫ് വ്യക്തമാക്കി.