പരിക്കിൽ നിന്ന് മോചിതനാകാൻ വൈകിയതിനാൽ സെപ്റ്റംബർ 5 ന് ഇന്ത്യ ബിക്കെതിരായ ഇന്ത്യ എയുടെ ആദ്യ ദുലീപ് ട്രോഫി മത്സരം പ്രസിദ് കൃഷ്ണയ്ക്ക് നഷ്ടമാകും. ഈ വർഷം ആദ്യം ശസ്ത്രക്രിയ കഴിഞ്ഞ പ്രസിദ് കൃഷ്ണ ഈ മത്സരത്തിൽ തിരിച്ചെത്തുമെന്ന് പ്രതീക്ഷിച്ചിരുന്നെങ്കിലും ഇതുവരെ ഫിറ്റ്നസ് വീണ്ടെടുത്തിട്ടില്ല.
2024-25 ആഭ്യന്തര സീസൺ ദുലീപ് ട്രോഫിയോടെ ആണ് ആരംഭിക്കുന്നത്. എ, ബി, സി, ഡി ടീമുകൾ റൗണ്ട് റോബിൻ ഫോർമാറ്റിൽ ആണ് ഏറ്റുമുട്ടുന്നത്. 2024-ലെ ഐപിഎൽ മുഴുവൻ നഷ്‌ടമായ കൃഷ്ണ, ദേശീയ ക്രിക്കറ്റ് അക്കാദമിയിൽ (എൻസിഎ) ഇപ്പോഴും പരിശീലനത്തിലാണ്.
കൈക്ക് പരിക്കേറ്റ സൂര്യകുമാർ യാദവ്, ഡെങ്കിപ്പനി ബാധിച്ച് മുഹമ്മദ് സിറാജ്, ഉംറാൻ മാലിക്, രവീന്ദ്ര ജഡേജ എന്നിവരും ദുലീപ് ട്രോഫിയിൽ കളിക്കുന്നില്ല.
