ഐസിസി റാങ്കിംഗ്; ടോപ്പ് 10ൽ നിന്ന് ബാബർ അസം പുറത്തായി
ബംഗ്ലാദേശിനെതിരായ മോശം പ്രകടനത്തെത്തുടർന്ന് 2019 ഡിസംബറിന് ശേഷം ആദ്യമായി മുൻ പാകിസ്ഥാൻ ക്യാപ്റ്റൻ ബാബർ അസം ഐസിസി പുരുഷന്മാരുടെ ടെസ്റ്റ് ബാറ്റിംഗ് ടോപ്പ് 10 ൽ നിന്ന് പുറത്തായി. അടുത്തിടെ നടന്ന രണ്ട് ടെസ്റ്റുകളുടെ പരമ്പരയിൽ നാല് ഇന്നിംഗ്സുകളിൽ നിന്ന് 64 റൺസ് മാത്രമാണ് അസമിന് നേടാനായത്.
2022 ഡിസംബറിന് ശേഷം സെഞ്ചുറികളുടെ അഭാവവും ഫിഫ്റ്റി ഇല്ലാതെ 16 ഇന്നിംഗ്സുകളുടെ ഒരു തുടർച്ചയുമാണ് ബാബറിനെ 12ആം സ്ഥാനത്തേക്ക് എത്തിച്ചത്. .
922 പോയിൻ്റുമായി ഇംഗ്ലണ്ടിൻ്റെ ജോ റൂട്ടാണ് ബാറ്റിംഗ് ചാർട്ടിൽ ഒന്നാമത്. കെയ്ൻ വില്യംസൺ രണ്ടാമതും. ന്യൂസിലൻഡിൻ്റെ ഡാരിൽ മിച്ചൽ, ഓസ്ട്രേലിയയുടെ സ്റ്റീവ് സ്മിത്ത്, ഇംഗ്ലണ്ടിൻ്റെ ഹാരി ബ്രൂക്ക് എന്നിവർ ആദ്യ അഞ്ച് സ്ഥാനങ്ങളിൽ ഇവർക്ക് പിന്നിലായി ഉണ്ട്.
ഇന്ത്യൻ ക്യാപ്റ്റൻ രോഹിത് ശർമ്മ ആറാം സ്ഥാനത്ത് തുടരുന്നു, യശസ്വി ജയ്സ്വാളും വിരാട് കോഹ്ലിയും യഥാക്രമം ഏഴ്, എട്ട് സ്ഥാനങ്ങളിലും ഉണ്ട്.