ടി20 ലോക റാങ്കിംഗ് ഒന്നാം സ്ഥാനം നിലനിര്ത്തി പാക്കിസ്ഥാന്
ന്യൂസിലാണ്ടിനെതിരെയുള്ള ടി20 പരമ്പരയിലെ ആദ്യ മത്സരം പരാജയപ്പെട്ടുവെങ്കിലും തുടര്ന്നുള്ള രണ്ട് മത്സരങ്ങളും ജയിച്ചത് വഴി പരമ്പരയും ലോക റാങ്കിംഗില് ഒന്നാം സ്ഥാനവും നിലനിര്ത്തി പാക്കിസ്ഥാന്. പാക്കിസ്ഥാനും 126 റേറ്റിംഗ് പോയിന്റുകളാണ് കൈവശമുള്ളത്. ന്യൂസിലാണ്ട് 123 പോയിന്റുമായി രണ്ടാം സ്ഥാനത്ത് നില്ക്കുന്നു. മൂന്നാം സ്ഥാനത്തുള്ള ഇന്ത്യ 121 പോയിന്റ് സ്വന്തമാക്കിയിട്ടുണ്ട്. 36 പോയിന്റുമായി അയര്ലാണ്ട് ആണ് അവസാന സ്ഥാനത്ത്(18ാം സ്ഥാനം).
ബേ ഓവലില് നടന്ന മത്സരത്തില് 18 റണ്സിന്റെ ജയമാണ് പാക്കിസ്ഥാന് സ്വന്തമാക്കിയത്. 181 റണ്സ് ആറ് വിക്കറ്റ് നഷ്ടത്തില് പാക്കിസ്ഥാന് നേടിയപ്പോള് ന്യൂസിലാണ്ടിനു 163 റണ്സ് മാത്രമേ ആറ് വിക്കറ്റ് നഷ്ടത്തില് നേടാനായുള്ളു. ഷദബ് ഖാനാണ് കളിയിലെ താരം. നാലോവറില് വെറും 19 റണ്സ് മാത്രം വഴങ്ങിയാണ് ഷദബ് രണ്ട് വിക്കറ്റ് നേടിയത്. പ്രകടനം താരത്തിനു മാന് ഓഫ് ദി മാച്ച് പട്ടവും നല്കി.
കൂടുതൽ കായിക വാർത്തകൾക്ക് : www.facebook.com/FanportOfficial
