ഇംഗ്ലണ്ടിനെതിരെ ഗോള്‍ ടെസ്റ്റില്‍ ആദ്യം ബാറ്റ് ചെയ്ത ശ്രീലങ്കയ്ക്ക് ബാറ്റിംഗ് തകര്‍ച്ച. ഒരു ഘട്ടത്തില്‍ 25/3 എന്ന നിലയിലേക്ക് വീണ ടീമിനെ സീനിയര്‍ താരങ്ങളായ ദിനേശ് ചന്ദിമലും ആഞ്ചലോ മാത്യൂസും ചേര്‍ന്ന് നാലാം വിക്കറ്റില്‍ 40 റണ്‍സ് കൂടി നേടി ലഞ്ചിന് പിരിയുമ്പോള്‍ 65/3 എന്ന നിലയില്‍ എത്തിച്ചിട്ടുണ്ട്.
മാത്യൂസ് 17 റണ്‍സും ചന്ദിമല്‍ 22 റണ്‍സുമാണ് ആതിഥേയര്‍ക്കായി നേടിയത്. സ്റ്റുവര്‍ട് ബ്രോഡ് ഇംഗ്ലണ്ടിനായി 2 വിക്കറ്റും ഡൊമിനിക് ബെസ്സ് ഒരു വിക്കറ്റും നേടി. ലഹിരു തിരിമന്നേ(4), കുശല്‍ മെന്‍ഡിസ്(0), കുശല്‍ പെരേര(20) എന്നിവരുടെ വിക്കറ്റാണ് ലങ്കയ്ക്ക് നഷ്ടമായത്.
