ഗോളില്‍ ലങ്കാദഹനം നടത്തി ഇംഗ്ലണ്ട്, ഡൊമിനിക് ബെസ്സിന് അഞ്ച് വിക്കറ്റ്

Dominicbess
- Advertisement -

ഗോള്‍ ടെസ്റ്റിന്റെ ആദ്യ ദിവസം രണ്ടാം സെഷനില്‍ തന്നെ ഓള്‍ഔട്ട് ആയി ശ്രീലങ്ക. ഇന്ന് ടോസ് നേടി ബാറ്റിംഗ് തിരഞ്ഞെടുത്ത ടീം 46.1 ഓവറില്‍ 135 റണ്‍സിന് ഓള്‍ഔട്ട് ആകുകയായിരുന്നു. ഡൊമിനിക് ബെസ്സും സ്റ്റുവര്‍ട് ബ്രോഡും ചേര്‍ന്നാണ് ലങ്കയുടെ നടുവൊടിച്ചത്.

65/3 എന്ന നിലയില്‍ നിന്ന് ബാറ്റിംഗ് പുനരാരംഭിച്ച ലങ്കയ്ക്ക് ആഞ്ചലോ മാത്യൂസിന്റെ വിക്കറ്റ് നഷ്ടമാകുകയായിരുന്നു. 27 റണ്‍സ് നേടിയ മാത്യൂസിനെ ബ്രോഡ് പുറത്താക്കുമ്പോള്‍ നാലാം വിക്കറ്റില്‍ ലങ്ക 56 റണ്‍സ് നേടിയിരുന്നു. രണ്ട് പന്തുകള്‍ക്ക് ശേഷം ദിനേശ് ചന്ദിമലിനെ ജാക്ക് ലീഷ് പുറത്താക്കുമ്പോള്‍ ലങ്കയുടെ പതനം ഉറപ്പാകുകയായിരുന്നു. 28 റണ്‍സാണ് ചന്ദിമല്‍ നേടിയത്.

പിന്നീട് മത്സരത്തില്‍ ഡൊമിനിക് ബെസ്സ് മൂന്ന് വിക്കറ്റുകള്‍ കൂടി നേടിയപ്പോള്‍ ലങ്ക തങ്ങളുടെ ഒന്നാം ഇന്നിംഗ്സ് ** റണ്‍സില്‍ അവസാനിപ്പിക്കുകയായിരുന്നു. ദസുന്‍ ഷനക(23), വനിന്‍ഡു ഹസരംഗ(19), നിരോഷന്‍ ഡിക്ക്വെല്ല(12) എന്നിവരാണ് രണ്ടാം സെഷനില്‍ ചെറുത്ത്നില്പിനായി ശ്രമിച്ചത്.

ഇംഗ്ലണ്ടിനായി ഡൊമിനിക് ബെസ്സ് നാലും സ്റ്റുവര്‍ട് ബ്രോഡ് മൂന്നും വിക്കറ്റ് നേടുകയായിരുന്നു.

Advertisement