ലങ്കയുടെ മികച്ച ബൗളിംഗിൽ താളം തെറ്റി ഓസ്ട്രേലിയ, രക്ഷകനായി മാത്യു വെയിഡ്

ഓസ്ട്രേലിയയ്ക്കെതിരെയുള്ള ടി20 പരമ്പരയിലെ അഞ്ചാം മത്സരത്തിൽ ഇന്ന് ആദ്യം ബാറ്റ് ചെയ്ത ഓസ്ട്രേലിയയ്ക്ക് 154/6 എന്ന സ്കോര്‍. ഒരു ഘട്ടത്തിൽ 82/5 എന്ന നിലയിലേക്ക് വീണ ഓസ്ട്രേലിയയെ മാത്യു വെയിഡും ഡാനിയേൽ സാംസും ചേര്‍ന്നുള്ള ആറാം വിക്കറ്റ് കൂട്ടുകെട്ടാണ് നൂറ് കടത്തിയത്.

64 റൺസ് നേടിയ കൂട്ടുകെട്ടിൽ സാംസ്(18) പുറത്തായെങ്കിലും മാത്യു വെയിഡ് തന്റെ ബാറ്റിംഗ് തുടര്‍ന്ന് ടീമിനെ 154 റൺസിലേക്ക് എത്തിച്ചു. വെയിഡ് 27 പന്തിൽ നിന്ന് 43 റൺസാണ് നേടിയത്.

ശ്രീലങ്കയ്ക്കായി ചമീര കരുണാരത്നേയും ലഹിരു കുമരയും രണ്ട് വീതം വിക്കറ്റ് നേടി. മാര്‍ക്കസ് സ്റ്റോയിനിസിനെയും ഗ്ലെന്‍ മാക്സ്വെല്ലിനെയും ഒരേ ഓവറിൽ പുറത്താക്കി കുമരയാണ് ഓസ്ട്രേലിയയെ 82/5 എന്ന നിലയിലേക്ക് തള്ളിയിട്ടത്.