Local Sports News in Malayalam

ഭാഗ്യത്തിന് അന്താരാഷ്ട്ര ക്രിക്കറ്റിൽ വലിയ പ്രാധാന്യമുണ്ട് – സുനിൽ ഗവാസ്കര്‍

അന്താരാഷ്ട്ര ക്രിക്കറ്റിൽ ഭാഗ്യത്തിന് വലിയ പ്രാധാന്യമുണ്ടെന്ന് പറഞ്ഞ് സുനില്‍ ഗവാസ്കര്‍. മയാംഗ് അഗര്‍വാളിന്റെ പരിക്കില്ലായിരുന്നുവെങ്കിൽ ഏതാനും ടെസ്റ്റിൽ കൂടി തീര്‍ച്ചയായും കെഎൽ രാഹുല്‍ പുറത്തിരിക്കുമായിരുന്നുവെന്നും എന്നാൽ പിന്നീട് താരത്തിന് അപ്രതീക്ഷിതമായി ലഭിച്ച അവസരം മുതലാക്കുന്ന കാഴ്ചയാണ് കണ്ടത് എന്നും ഗവാസ്കര്‍ കൂട്ടിചേര്‍ത്തു.

കെഎൽ രാഹുല്‍ ഇന്ത്യയുടെ ഓപ്പണിംഗ് സ്ഥാനം കുറച്ചധികം കാലത്തേക്ക് ഉറപ്പിച്ചു കഴിഞ്ഞുവെന്നാണ് ഗവാസ്കര്‍ വ്യക്തമാക്കിയത്. മികച്ച ഇന്നിംഗ്സാണ് കെഎൽ രാഹുല്‍ കളിച്ചതെന്നും മൂവ്മെന്റ് ഉള്ളതിനാൽ ശ്രദ്ധയോടെയാണ് താരം കളിച്ചതെന്നും മികച്ചൊരു ഓപ്പണറുടെ ഇന്നിംഗ്സാണ് താരം കളിച്ചതെന്നും സുനില്‍ ഗവാസ്കര്‍ വ്യക്തമാക്കി.

രോഹിത്തും രാഹുലും റൺസ് കണ്ടെത്തിയതോടെ ശുഭ്മന്‍ ഗിൽ, മയാംഗ് അഗര്‍വാള്‍, പൃഥ്വി ഷാ എന്നിവര്‍ ഇനി ഓപ്പണിംഗ് സ്ഥാനത്തേക്ക് എത്തുന്നതിനായുള്ള അവസരങ്ങള്‍ക്കായി കാത്തിരിക്കേണ്ടി വരും.

You might also like