primus mobile
primus mobile

ഗ്ലെന്‍ മാക്സ്വെല്‍ പിന്മാറി, ജോഷ് ഇംഗ്ലിസിനെ സ്വന്തമാക്കി ലണ്ടന്‍ സ്പിരിറ്റ്

Joshinglis

ദി ഹണ്ട്രെഡിൽ നിന്ന് പിന്‍മാറി ഗ്ലെന്‍ മാക്സ്വെൽ. പകരം ടീമിലേക്ക് ഓസ്ട്രേലിയന്‍ താരം ജോഷ് ഇംഗ്ലിസിനെ ലണ്ടന്‍ സ്പിരിറ്റ് സ്വന്തമാക്കിയിട്ടുണ്ട്. മാര്‍ക്കസ് സ്റ്റോയിനിസ്, ഡേവിഡ് വാര്‍ണര്‍ എന്നിവരാണ് പിന്മാറിയ മറ്റു രണ്ട് ഓസ്ട്രേലിയന്‍ താരങ്ങള്‍.

ഈ പറഞ്ഞ മൂന്ന് താരങ്ങളും ഓസ്ട്രേലിയയുടെ വിന്‍ഡീസ്, ബംഗ്ലാദേശ് പരമ്പരകളിൽ നിന്നു പിന്മാറിയിരുന്നു. ലണ്ടന്‍ സ്പിരിറ്റ് കോച്ച് ഷെയിന്‍ വോൺ ആണ് മാക്സ്വെല്‍ പിന്മാറിയതിനെക്കുറിച്ച് പറ‍ഞ്ഞത്.

താരം മാച്ച് വിന്നറാണെന്നും എന്നാൽ ദൗര്‍ഭാഗ്യകരമായി താരം ടൂര്‍ണ്ണമെന്റിൽ നിന്ന് പിന്മാറുവാന്‍ തീരുമാനിച്ചിരിക്കുകയാണെന്നും വോൺ പറഞ്ഞു. പകരം താരമായി ജോഷ് ഇംഗ്ലിസിനെ സ്വന്തമാക്കാനായതിൽ ഏറെ സന്തോഷമുണ്ടെന്നും വോൺ വ്യക്തമാക്കി.

ജൂലൈ 22ന് ആണ് ടൂര്‍ണ്ണമെന്റ് ആരംഭിക്കുന്നത്.