വിനൂ മങ്കഡ് ട്രോഫിയില്‍ കേരളത്തിന് വീണ്ടും മോശം ബാറ്റിംഗ് പ്രകടനം. സൗരാഷ്ട്രയ്ക്കെതിരെ ഇന്നത്തെ മത്സരത്തില്‍ കേരളത്തിന് 50 ഓവറില്‍ നിന്ന് 167/6 എന്ന സ്കോര്‍ മാത്രമാണ് നേടാനായത്. 69 റണ്‍സ് നേടിയ വരുണ്‍ ദീപക് നായനാര്‍ മാത്രമാണ് കേരള നിരയില്‍ തിളങ്ങിയത്. ഷൗന്‍ ആന്റണി റോജര്‍ 39 റണ്‍സും നേടി. നീരജ് സെല്‍വന്‍ 22 റണ്‍സും നേടി. സൗരാഷ്ട്രയ്ക്ക് വേണ്ടി ആദിത്യസിന്‍ഹ ഹനുബ ജഡേജ മൂന്ന് വിക്കറ്റ് നേടി.
മുന്‍ മത്സരങ്ങളിലും കേരളത്തിന് ബാറ്റിംഗ് മികവ് നേടാനായിരുന്നില്ല. ഹിമാച്ചലിനെതിരെ ബൗളിംഗ് കരുത്തില്‍ കേരളം വിജയം കുറിയ്ക്കുകയായിരുന്നു.
