ഐപിഎല്‍ കളിക്കുവാന്‍ ബംഗ്ലാദേശ് താരത്തിന് അനുമതിയില്ല

ഐപിഎല്‍ കളിക്കുവാന്‍ ബംഗ്ലാദേശ് താരം മുസ്തഫിസുര്‍ റഹ്മാന് അനുമതി നല്‍കാതെ ബംഗ്ലാദേശ് ബോര്‍ഡ്. താരത്തെ മുംബൈ ഇന്ത്യന്‍സും കൊല്‍ക്കത്ത നൈറ്റ് റൈഡേഴ്സും സമീപിച്ചുവെങ്കിലും ദേശീയ ടീമിനൊപ്പം മത്സരങ്ങളുള്ളതിനാല്‍ തന്നെ ഐപിഎല്‍ കളിക്കുവാന്‍ അനുമതി പത്രം നല്‍കാതെ ബോര്‍ഡ് നിലപാട് കഠിപ്പിക്കുകയായിരുന്നു.

കൊല്‍ക്കത്ത ഹാരി ഗുര്‍ണേയ്ക്ക് പകരവും മുംബൈ ഇന്ത്യന്‍സ് ലസിത് മലിംഗയ്ക്കും പകരമാണ് താരത്തെ സമീപിച്ചത്. പിന്നീട് മുംബൈ ജെയിംസ് പാറ്റിന്‍സണുമായി കരാറിലെത്തുകയായിരുന്നു. ഒക്ടോബര്‍ 24ന് ശ്രീലങ്കയും ബംഗ്ലാദേശുമായുള്ള ടെസ്റ്റ് പരമ്പര ആരംഭിക്കുമെന്നതിനാലാണ് ഐപിഎല്‍ കളിക്കുവാനുള്ള അനുമതി നല്‍കേണ്ടെന്ന് ബോര്‍ഡ് തീരുമാനിച്ചതെന്ന് ബംഗ്ലാദേശ് ക്രിക്കറ്റ് ബോര്‍ഡ് ഓപ്പറേഷന്‍സ് ചെയര്‍മാന്‍ അക്രം ഖാന്‍ വെളിപ്പെടുത്തി.