ഇന്ത്യൻ പ്രീമിയർ ലീഗിൽ മുംബൈ ഇന്ത്യൻസ് ചെന്നൈ സൂപ്പർ കിങ്സിനെ നേരിടും. മുംബൈയിലെ വാംഖഡെ സ്റ്റേഡിയത്തിലാണ് മത്സരം നടക്കുന്നത്. ക്യാപ്റ്റൻ മഹേദ്ര സിങ് ധോണിയുടെ കീഴിൽ ഈ എഡിഷനിൽ പരാജയമറിയാതെ കുതിക്കുകയാണ് ചെന്നൈ. ആദ്യ മൂന്നു ഐപിഎൽ മത്സരങ്ങളും ജയിച്ച ചെന്നൈ പോയന്റ് നിലയിൽ ഒന്നാമതാണ്. അതെ സമയം രോഹിത് ശർമ്മയുടെ മുംബൈ ഇന്ത്യൻസിന് ഒരു ജയവും രണ്ടു പരാജയവുമാണുള്ളത്.
ആദ്യ മത്സരത്തിൽ ഡെൽഹിയോടും അവസാന മത്സരത്തിൽ പഞ്ചാബിനോടും പരാജയപ്പെട്ട മുംബൈ റോയൽ ചലഞ്ചേഴ്‌സ് ബാംഗ്ലൂരിനോട് മാത്രമാണ് ജയിച്ചിട്ടുള്ളത്. അതെ സമയം റോയൽ ചലഞ്ചേഴ്‌സ് ബാംഗ്ലൂർ,ഡൽഹി ക്യാപിറ്റൽസ്, രാജസ്ഥാൻ റോയൽസ് എന്നി ടീമുകൾ ചെന്നനായി സൂപ്പർ കിങ്‌സിനോട് അടിയറവ് പറഞ്ഞു. ഐപിഎല്ലിൽ കഴിഞ്ഞ അഞ്ചു മത്സരങ്ങളിൽ നാലെണ്ണവും ജയിച്ചത് മുംബൈ ഇന്ത്യൻസാണ്. ചെന്നൈയിൽ ഹർഭജൻ സിങ് തിരിച്ചുവരാൻ സാധ്യതയുണ്ട്. മുംബൈ നിരയിൽ ഇഷാന്ത് കിഷനോ വെസ്റ്റ് ഇന്ത്യൻ അൽസരി ജോസഫോ യാദവിന്‌ പകരവും ബെൻ കട്ടിങ് മലിങ്കയ്ക്ക് പകരമിറങ്ങാനും സാധ്യതയുണ്ട്.
