ഐപിഎലിന് കാത്തിരിക്കാം, മനുഷ്യ ജീവനും ജീവിതവുമാണ് ഈ അവസരത്തില് ഏറ്റവും പ്രാധാന്യമുള്ളത്
ഐപിഎല് നടക്കുമോയെന്ന കാര്യത്തിലുള്ള ചോദ്യത്തിനെ ജീവിതവും മനുഷ്യ ജീവനുമാണ് ക്രിക്കറ്റിനെക്കാള് ഇപ്പോള് പ്രാധാന്യമുള്ളതെന്ന് പറഞ്ഞ് സുരേഷ് റെയ്ന. കൊറോണ വ്യാപനത്തിനെതിരെ പൊരുതുവാന് ഉത്തര്പ്രദേശ് സര്ക്കാരിനും പ്രധാനമന്ത്രിയുടെ ഫണ്ടിലേക്കും സുരേഷ് റെയ്ന നേരത്തെ 52 ലക്ഷം രൂപ നല്കിയിരുന്നു.
ഐപിഎല് ഇപ്പോള് നടത്തിയില്ലെങ്കിലും പ്രശ്നമില്ലെന്ന് റെയ്ന പറഞ്ഞു. സര്ക്കാരിന്റെ ലോക്ഡൗണില് പാലിക്കേണ്ട നിര്ദ്ദേശങ്ങള് പാലിച്ച് നമ്മള് മുന്നോട്ട് പോകുകയാണ് ഇപ്പോള് വേണ്ടത് ഇല്ലേല് ഈ മഹാമാരിയെ മറകടക്കുവാന് നമുക്ക് ആവില്ല. ജീവിതവും സാഹചര്യവും മെച്ചപ്പടുമ്പോള് ഐപിഎലിനെക്കുറിച്ച് ചിന്തിക്കാമെന്നും റെയ്ന പറഞ്ഞു.