ഐപിഎലില്‍ 55 റണ്‍സിന്റെ മികച്ച വിജയവുമായി രാജസ്ഥാന് റോയല്‍സ്. 31 റണ്‍സ് നേടിയ മനീഷ് പാണ്ടേയും 30 റണ്‍സ് നേടിയ ജോണി ബൈര്‍സ്റ്റോയും മാത്രം തിളങ്ങിയപ്പോള്‍ കെയിന്‍ വില്യംസണ്‍ 20 റണ്‍സ് നേടി.
പവര്‍പ്ലേയില്‍ മികച്ച തുടക്കം ജോണി ബൈര്‍സ്റ്റോയും മനീഷ് പാണ്ടേയും നല്‍കിയെങ്കിലും പിന്നീട് തുടരെ വിക്കറ്റുകള്‍ വീണത് ടീമിന് തിരിച്ചടിയായി മാറുകയായിരുന്നു. മുസ്തഫിസുര്‍ മനീഷിനെ പുറത്താക്കിയാണ് ഈ കൂട്ടുകെട്ട് തകര്‍ത്തത്.
5 പന്തില്‍ 17 റണ്‍സ് നേടിയ മുഹമ്മദ് നബി മാത്രമാണ് പിന്നെ പൊരുതി നോക്കിയ മറ്റൊരു താരം. മൂന്ന് വീതം വിക്കറ്റുമായി ക്രിസ് മോറിസും മുസ്തഫിസുര്‍ റഹ്മാനുമാണ് രാജസ്ഥാന് വേണ്ടി മികച്ച ബൗളിംഗ് പുറത്തെടുത്തത്.
