ഇന്ത്യൻപ്രീമിയർ ലീഗിൽ റോയൽ ചലഞ്ചേഴ്‌സ് ബാംഗ്ലൂർ സൺറൈസേഴ്സ് ഹൈദരാബാദിനെ നേരിടും. ഹൈദരാബാദിലെ രാജീവ് ഗാന്ധി ഇന്റർനാഷണൽ സ്റ്റേഡിയത്തിൽ വെച്ചാണ് മത്സരം നടക്കുക. രാജസ്ഥാൻ റോയൽസ് ഉയർത്തിയ കൂറ്റൻ സ്‌കോർ ചെയ്സ് ചെയ്തു ജയം നേടിയ സൺ റൈസേഴ്സ് വിജയക്കുതിപ്പ് തുടരാനാകും സ്വന്തം തട്ടകത്തിൽ ഇറങ്ങുന്നത്.
അതെ സമയം ഈ സീസണിലെ ആദ്യ ജയമാണ് കോഹ്‌ലിയുടെ ബാംഗ്ലൂർ സ്വപ്നം കാണുന്നത്. ചെന്നൈക്കെതിരെ തകർന്ന ബാംഗ്ലൂർ മുംബൈക്കെതിരായ മത്സരത്തിൽ മികച്ച പ്രടകനമാണ് കാഴ്ചവെച്ചത്. ഇതുവരെ 12 തവണ ഇരു ടീമുകളും ഏറ്റുമുട്ടിയപ്പോൾ ജയം ഏഴു തവണയും സൺറൈസേഴ്സ് ഹൈദരാബാദിന്റെ കൂടെയായിരുന്നു. അഞ്ച് തവണ റോയൽ ചലഞ്ചേഴ്‌സ് ബാംഗ്ലൂർ നേടി.
കഴിഞ്ഞ പല സീസണുകളും പോലെ ഇത്തവണയും എബി ഡിയും കോഹ്‌ലിയും തന്നെയാണ് ബാറ്റിങ്ങിനെ താങ്ങി നിർത്തുന്നത്. മിഡിൽ ഓഡറിൽ ബാറ്റ്സ്മാൻ മാർ പരാജയപ്പെടുന്നത് ബാംഗ്ലൂരിന് തലവേദനയാണ്. ആസ്ട്രേലിയൻ ഹിറ്റ്മാൻ ഡേവിഡ് വാർണർ ആണ് സൺ റൈസേഴ്‌സിന്റെ തുറുപ്പ് ചീട്ട്. ജോണി ബെയർസ്റ്റോയും വാർണറും മികച്ച് കൂട്ടുകെട്ടുകളാണ് ആദ്യ രണ്ടു മത്സരങ്ങളിൽ പുറത്തെടുത്തത്. ചാഹലും റഷീദ് ഖാനും അടങ്ങുന്ന ബാംഗ്ലൂർ സ്പിൻ നിര ബാംഗ്ലൂരിന് മുൻ‌തൂക്കം നൽകും.
