ഐപിഎലില്‍ ബഹു ഭൂരിപക്ഷം സമയവും പര്‍പ്പിള്‍ ക്യാപ്പിന് അര്‍ഹനായിരുന്നത് യൂസുവേന്ദ്ര ചഹാല്‍ ആയിരുന്നുവെങ്കിലും ആര്‍സിബി താരം വനിന്‍ഡു ഹസരംഗ വിക്കറ്റ് വേട്ടയിൽ താരത്തിനൊപ്പമെത്തുകയും മികച്ച എക്കണോമിയുടെ ബലത്തിൽ ഒന്നാം സ്ഥാനം നേടുകയും ചെയ്തുവെങ്കിലും ഇന്നലെ ലക്നൗവിനെതിരെയുള്ള മത്സരത്തിൽ നേടിയ വിക്കറ്റിന്റെ ബലത്തിൽ ചഹാല്‍ വീണ്ടും ഒന്നാം സ്ഥാനത്തേക്ക് എത്തിയിരുന്നു.
എന്നാൽ വനിന്‍ഡു ഹസരംഗ വിക്കറ്റ് നേടുന്നതിൽ തനിക്ക് സന്തോഷമേയുള്ളുവെന്നും താരം തനിക്ക് സഹോദര തുല്യനാണെന്നും ചഹാല്‍ വ്യക്തമാക്കി. കഴിഞ്ഞ സീസണിൽ ഇരുവരും റോയൽ ചലഞ്ചേഴ്സ് ബാംഗ്ലൂരിന് വേണ്ടിയായിരുന്നു കളിച്ചത്.
അത് പോലെ തന്നെ ഇന്ത്യന്‍ ടീമിൽ ഒരു കാലത്ത് തന്റെ സ്പിന്‍ പാര്‍ട്ണര്‍ ആയിരുന്നു കുൽദീപും വിക്കറ്റ് നേടുന്നതിൽ തനിക്ക് സന്തോഷമാണെന്ന് ചഹാല്‍ സൂചിപ്പിച്ചു.
