സച്ചിന്‍ ബേബി ഉള്‍പ്പെടെ 9 താരങ്ങളെ റിലീസ് ചെയ്ത് സണ്‍റൈസേഴ്സ് ഹൈദ്രാബാദ്. ഇതില്‍ നേരത്തെ ഡല്‍ഹി താരങ്ങള്‍ക്കായി ട്രേഡ് ചെയ്ത ശിഖര്‍ ധവാനും ഉള്‍പ്പെടുന്നു. മലയാളി താരം ബേസില്‍ തമ്പിയെ ടീമില്‍ നിലനിര്‍ത്തിയിട്ടുണ്ട്. അലക്സ് ഹെയില്‍സ്, വൃദ്ധിമന്‍ സാഹ, കാര്‍ലോസ് ബ്രാത്‍വൈറ്റ്, ക്രിസ് ജോര്‍ദ്ദാന്‍ എന്നിവരാണ് റിലീസ് ചെയ്യപ്പെട്ട മറ്റു പ്രമുഖ താരങ്ങള്‍.
വിവാദ നായകന്‍ ഡേവിഡ് വാര്‍ണറെ ടീം നിലനിര്‍ത്തിയിട്ടുണ്ട്. പന്ത് ചുരണ്ടല്‍ വിവാദത്തില്‍ ഉള്‍പ്പെട്ടതിനെത്തുടര്‍ന്ന് ഈ സീസണില്‍ താരത്തെ ടീമില്‍ നിന്ന് ഒഴിവാക്കിയിരുന്നു. ഭുവനേശ്വര്‍ കുമാര്‍, സിദ്ധാര്‍ത്ഥ് കൗള്‍ തുടങ്ങി 17 താരങ്ങളെയും ധവാന് പകരം കിട്ടിയ മൂന്ന് താരങ്ങളെയും ഉള്‍പ്പെടെ 20 താരങ്ങളെയാണ് സണ്‍റൈസേഴ്സ് നിലനിര്‍ത്തിയിരിക്കുന്നത്.
