വെടിക്കെട്ട് തുടക്കവുമായി ധവാന്‍, ഒപ്പം കൂടി കോഹ്‍ലി, ഇന്ത്യയ്ക്ക് സിഡ്നിയില്‍ ജയം

- Advertisement -

ഓസ്ട്രേലിയയുടെ 164 റണ്‍സ് സ്കോറിനെ അവസാന ഓവറില്‍ മറികടന്ന് ഇന്ത്യ. ശിഖര്‍ ധവാന്‍ നല്‍കിയ വെടിക്കെട്ട് തുടക്കത്തിനു ശേഷം വിരാട് കോഹ്‍ലി അര്‍ദ്ധ ശതകവും ദിനേശ് കാര്‍ത്തിക്ക് 22 റണ്‍സുമായി പുറത്താകാതെ നിന്നപ്പോള്‍ ഇന്ത്യ 165 റണ്‍സ് 4 വിക്കറ്റ് നഷ്ടത്തില്‍ 2 പന്ത് ശേഷിക്കെ മറികടക്കുകയായിരുന്നു. ജയത്തോടെ പരമ്പരയില്‍ ഇന്ത്യ ഓസ്ട്രേലിയയ്ക്കൊപ്പമെത്തി. ആദ്യ മത്സരത്തില്‍ ഓസ്ട്രേലിയ ജയിച്ചപ്പോള്‍ രണ്ടാം മത്സരം മഴ മൂലം ഉപേക്ഷിക്കപ്പെടുകയായിരുന്നു.

60 റണ്‍സാണ് അഞ്ചാം വിക്കറ്റില്‍ കൂട്ടുകെട്ടില്‍ കോഹ്‍ലിയും കാര്‍ത്തിക്കും ചേര്‍ന്ന് നേടിയത്. 39 പന്തില്‍ നിന്ന് നേടിയ ഈ റണ്ണുകള്‍ ഏറ്റവും നിര്‍ണ്ണായകമായി മാറുകയായിരുന്നു. 2 പന്ത് ശേഷിക്കെയാണ് ഇന്ത്യയുടെ വിജയം. വിരാട് കോഹ്‍ലി 61 റണ്‍സ് നേടിയപ്പോള്‍ ശിഖര്‍ ധവാന്‍ 22 പന്തില്‍ നിന്ന് 41 റണ്‍സ് നേടി.

Advertisement