ടി20യിലും ഓസ്ട്രേലിയന്‍ നാണക്കേട്

Sports Correspondent

Download the Fanport app now!
Appstore Badge
Google Play Badge 1

പാക്കിസ്ഥാനെതിരെ ടി20 പരമ്പരയിലെ ആദ്യ മത്സരത്തില്‍ നാണക്കേടില്‍ മുങ്ങി ഓസ്ട്രേലിയ. ആദ്യം ബാറ്റ് ചെയ്ത പാക്കിസ്ഥാന്‍ 155/8 എന്ന സ്കോര്‍ നേടിയപ്പോള്‍ ഓസ്ട്രേലിയ 89 റണ്‍സിനു ഓള്‍ഔട്ട് ആവുകയായിരുന്നു. ഇമാദ് വസീം മൂന്ന് വിക്കറ്റും ഫഹീം അഷ്റഫ്, ഷഹീന്‍ അഫ്രീദി എന്നിവര്‍ രണ്ട് വിക്കറ്റും വീഴ്ത്തിയാണ് ഓസ്ട്രേലിയയെ 66റണ്‍സിന്റെ തോല്‍വിയിലേക്ക് തള്ളിയിട്ടത്.

34 റണ്‍സ് നേടിയ നഥാന്‍ കോള്‍ട്ടര്‍-നൈല്‍ ആണ് ഓസ്ട്രേലിയന്‍ നിരയിലെ ടോപ് സ്കോറര്‍. ഇന്നിംഗ്സിലെ അവസാന വിക്കറ്റായാണ് താരം പുറത്തായത്. 22 റണ്‍സ് എടുക്കുന്നതിനിടയില്‍ ആറ് വിക്കറ്റ് നഷ്ടമായ ഓസ്ട്രേലിയ 89 റണ്‍സിലേക്ക് എത്തിയത് കോള്‍ട്ടര്‍ നൈലും ആഷ്ടണ്‍ അഗറും(19) നടത്തിയ ചെറുത്ത് നില്പിന്റെ ഫലമായാണ്.

ബാബര്‍ അസം പുറത്താകാതെ നേടിയ 68 റണ്‍സിന്റെ ബലത്തിലാണ് ഓസ്ട്രേലിയ 155 റണ്‍സ് നേടിയത്. മുഹമ്മദ് ഹഫീസ് 39 റണ്‍സ് നേടി. 130/3 എന്ന നിലയില്‍ നിന്ന് 25 റണ്‍സ് നേടുന്നതിനിടെ 5 വിക്കറ്റാണ് പാക്കിസ്ഥാനു നഷ്ടമായത്. ബില്ലി സ്റ്റാന്‍ലേക്ക്, ആന്‍ഡ്രൂ ടൈ എന്നിവര്‍ ഓസ്ട്രേലിയയ്ക്കായി 3 വീതം വിക്കറ്റ് നേടി.