സയ്യിദ് അന്‍വറിന്റെ 194നെ മറികടന്ന് ഫകര്‍ സമന്‍, ഇരട്ട ശതകവും സ്വന്തം

- Advertisement -

പാക്കിസ്ഥാനു വേണ്ടി ഉയര്‍ന്ന ഏകദിന സ്കോര്‍ നേടുന്ന താരമായി ഫകര്‍ സമന്‍. ഇന്ന് സിംബാബ്‍വേയ്ക്കെതിരെയുള്ള മത്സരത്തില്‍ 210 റണ്‍സ് നേടുന്നതിനിടെ പാക്കിസ്ഥാന്‍ ഓപ്പണര്‍ മുന്‍ താരം സയ്യിദ് അന്‍വറിന്റെ ഏറ്റവും ഉയര്‍ന്ന ഏകദിന സ്കോര്‍ എന്ന റെക്കോര്‍ഡാണ് മറികടന്നത്. ആദ്യമായി ഇരട്ട ശതകം നേടുന്ന പാക്കിസ്ഥാന്‍ താരമെന്ന നേട്ടവും സമന്‍ സ്വന്തമാക്കി. 156 പന്തില്‍ നിന്ന് 210 റണ്‍സ് നേടിയ ഫകര്‍ ഇന്നിംഗ്സ് അവസാനിച്ചപ്പോള്‍ പുറത്താകാതെ നിന്നു.

സച്ചിന്‍ ടെണ്ടുല്‍ക്കര്‍, വിരേന്ദര്‍ സേവാഗ്, രോഹിത് ശര്‍മ്മ(മൂന്ന് തവണ), ക്രിസ് ഗെയില്‍, മാര്‍ട്ടിന്‍ ഗുപ്ടില്‍ എന്നിവരാണ് ഫകര്‍ സമനു മുന്നേ പുരുഷ ഏകദിനങ്ങളില്‍ ഇരട്ട ശതകം നേടുന്ന മറ്റു താരങ്ങള്‍.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement