ക്രിക്കറ്റിന്റെ ഏറ്റവും പുതിയ ഫോര്‍മാറ്റായ ദി ഹണ്ട്രഡിന്റെ ഉദ്ഘാടന സീസണ്‍ അടുത്ത വര്‍ഷത്തേക്ക് മാറ്റി ഇംഗ്ലണ്ട് ബോര്‍ഡ്. കോവിഡ് 19 വ്യാപനത്തെത്തുടര്‍ന്നാണ് ഈ തീരുമാനം ബോര്‍ഡ് കൈകൊണ്ടത്. ഇംഗ്ലണ്ടിലെ പട്ടണങ്ങളെ അടിസ്ഥമാനമാക്കിയുള്ള പുരുഷ വനിത ടീമുകളാണ് ടൂര്‍ണ്ണമെന്റില്‍ പങ്കെടുക്കുന്നത്. ഇംഗ്ലണ്ട് ബോര്‍ഡ് നേരത്തെ വൈറ്റാലിറ്റി ബ്ലാസ്റ്റ്, അന്താരാഷ്ട്ര മത്സരങ്ങള്‍ എന്നിവയ്ക്കൊപ്പം ദി ഹണ്ട്രെഡും ഈ സീസണില്‍ നടത്തണമെന്നാണ് ആവശ്യപ്പെട്ടത്.
അതേ സമയം പിന്നീട് ഇംഗ്ലണ്ടിന്റെ പ്രധാന വരുമാന സ്രോതസ്സ് ആയി മാറേണ്ട ടൂര്‍ണ്ണമെന്റ് ഇത്തരത്തില്‍ പ്രതിസന്ധി ഘടത്തില്‍ നടത്തേണ്ടതില്ലെന്ന് ബോര്‍ഡ് തീരുമാനിച്ചു. ഇംഗ്ലണ്ട് ക്രിക്കറ്റിലെ ലാഭം ലക്ഷ്യമാക്കിയുള്ള ടൂര്‍ണ്ണമെന്റാണ് ദി ഹണ്ട്രെഡ്, അതിനാല്‍ തന്നെ ഈ സീസണിന്റെ ഒരു നല്ല പങ്ക് നഷ്ടമായ സ്ഥിതിയ്ക്ക് ഇപ്പോള്‍ ടൂര്‍ണ്ണമെന്റ് നടത്തുവാനുള്ള സാഹചര്യം അല്ലെന്ന് സിഇഒ ടോം ഹാരിസണ്‍ വ്യക്തമാക്കി.
