ഇംഗ്ലണ്ടും ന്യൂസിലൻഡും തമ്മിലുള്ള ഒന്നാം T20 ഇംഗ്ലണ്ട് ഏഴു വിക്കറ്റിന് വിജയിച്ചു. ആദ്യം ബാറ്റ് ചെയ്ത ന്യൂസിലൻഡ് 20 ഓവറിൽ 9 വിക്കറ്റിന് 139 റൺസ് മാത്രമായിരുന്നു എടുത്തത്. 38 പന്തിൽ 41 റൺസെടുത്ത ഗ്ലെൻ ഫിലിപ്‌സിന്റെ ബാറ്റിംഗും 15 പന്തിൽ നിന്ന് 21 റൺസെടുത്ത ഫിൻ അലന്റെ ഇന്നിംഗ്സും മാത്രമാണ് ന്യൂസിലൻഡിന് തുണയായത്.
ബ്രൈഡൻ കാർസെയും ലൂക്ക് വുഡും 3 വിക്കറ്റ് വീതം വീഴ്ത്തി കിവികളുടെ സ്‌കോറിംഗ് വേഗത നിയന്ത്രിച്ചു. മറുപടി ബാറ്റിങിന് ഇറങ്ങിയ ഇംഗ്ലണ്ട് വെറും 14 ഓവറിൽ സ്‌കോർ പിന്തുടർന്നു. 6 ഓവർ ബാക്കി നിൽക്കെ 3 വിക്കറ്റ് മാത്രം നഷ്ടത്തിൽ അവർ ലക്ഷ്യത്തിൽ എത്തി. 42 പന്തിൽ 54 റൺസ് നേടിയ ഡേവിഡ് മലന്റെ ഇന്നിങ്സും, 27 പന്തിൽ 43 റൺസ് നേടിയ ഹാരി ബ്രൂക്കും അവരുടെ വിജയം എളുഊഅത്തിലാക്കി., T20I പരമ്പരയിൽ ഇംഗ്ലണ്ട് ഇതോടെ 1-0ന്റെ ലീഡ് എടുത്തു.
