113 റണ്സ് വിജയം, പരമ്പരയില് ഒപ്പമെത്തി ഇംഗ്ലണ്ട്
വിന്ഡീസിനെതിരെ മാഞ്ചസ്റ്ററിലെ 113 റണ്സ് വിജയത്തോടെ പരമ്പരയില് ഒപ്പമെത്തി ഇംഗ്ലണ്ട്. 312 റണ്സ് വിജയ ലക്ഷ്യം തേടിയറങ്ങിയ വിന്ഡീസ് 70.1 ഓവറില് 198 റണ്സിന് ഓള്ഔട്ട് ആകുകയായിരുന്നു. 62 റണ്സ് നേടി ഷമാര് ബ്രൂക്ക്സ് ആണ് വിന്ഡീസിന്റെ രണ്ടാം ഇന്നിംഗ്സിലെ ടോപ് സ്കോറര്. ജെര്മൈന് ബ്ലാക്ക്വുഡ് 55 റണ്സും ജേസണ് ഹോള്ഡര് 35 റണ്സും നേടി പൊരുതിയെങ്കിലും വിന്ഡീസ് ചെറുത്ത്നില്പിന് അധികം ആയുസ്സുണ്ടായില്ല.
സ്റ്റുവര്ട് ബ്രോഡ് മൂന്നും ക്രിസ് വോക്സ്, ഡൊമിനിക് ബെസ്സ്, ബെന് സ്റ്റോക്സ് എന്നിവര് രണ്ടും വിക്കറ്റ് നേടിയാണ് ഇംഗ്ലണ്ടിന് മത്സരത്തില് മേല്ക്കൈ നേടിക്കൊടുത്തത്. സാം കറനും വിക്കറ്റ് പട്ടികയില് ഇടം പിടിച്ചു.