ഓള്‍റൗണ്ട് മികവുമായി മോയിന്‍ അലി, പരമ്പരയിലൊപ്പമെത്തി ഇംഗ്ലണ്ട്

Sports Correspondent

Moeenaliadilrashid
Download the Fanport app now!
Appstore Badge
Google Play Badge 1

വെസ്റ്റിന്‍ഡീസിനെതിരെ മിന്നും വിജയവുമായി ഇംഗ്ലണ്ട്. ഇന്നലെ നടന്ന നാലാം ടി20യിൽ 34 റൺസ് വിജയം ആണ് ഇംഗ്ലണ്ട് സ്വന്തമാക്കിയത്. ആദ്യം ബാറ്റ് ചെയ്ത ഇംഗ്ലണ്ട് 193/6 എന്ന സ്കോര്‍ നേടുകയായിരുന്നു. 28 പന്തിൽ 7 സിക്സുകളടക്കം 63 റൺസ് നേടിയ മോയിന്‍ അലിയും ജെയിംസ് വിന്‍സ്(34), ജേസൺ റോയ്(52) എന്നിവരാണ് ഇംഗ്ലണ്ടിനായി തിളങ്ങിയത്. വെസ്റ്റിന്‍ഡീസിനായി ജേസൺ ഹോള്‍ഡര്‍ മൂന്ന് വിക്കറ്റ് നേടി.

ബാറ്റിംഗിലെ പോലെ ബൗളിംഗിലും മോയിന്‍ അലിയാണ് ഇംഗ്ലണ്ടിനെ മുന്നിൽ നിന്ന് നയിച്ചത്. താരം 2 വിക്കറ്റ് നേട്ടം സ്വന്തമാക്കിയപ്പോള്‍ വെസ്റ്റിന്‍ഡീസിന് 5 വിക്കറ്റ് നഷ്ടത്തിൽ 159 റൺസ് മാത്രമേ നേടാനായുള്ളു. 23 പന്തിൽ 40 റൺസ് നേടിയ കൈൽ മയേഴ്സും ജേസൺ ഹോള്‍ഡറും(36) വെസ്റ്റിന്‍ഡീസിനായി പൊരുതി നോക്കി.

നിക്കോളസ് പൂരന്‍(22), ബ്രണ്ടന്‍ കിംഗ്(26), കീറൺ പൊള്ളാര്‍ഡ്(18*) എന്നിവരാണ് മറ്റു പ്രധാന സ്കോറര്‍മാര്‍.

വിജയത്തോടെ ഇംഗ്ലണ്ടും വെസ്റ്റിന്‍ഡീസും പരമ്പരയിൽ രണ്ട് വീതം ജയം സ്വന്തമാക്കിയിട്ടുണ്ട്.