ഏഴാം വിജയവും സ്വന്തമാക്കി കുതിപ്പ് തുടര്‍ന്ന് ട്രിന്‍ബാഗോ നൈറ്റ് റൈഡേഴ്സ്

- Advertisement -

185 റണ്‍സെന്ന വിജയ ലക്ഷ്യം തേടിയിറങ്ങിയ ജമൈക്ക തല്ലാവാസിനെ 165/6 എന്ന സ്കോറില്‍ പിടിച്ച് കെട്ട് 19 റണ്‍സ് വിജയം കുറിച്ച് ടൂര്‍ണ്ണമെന്റിലെ തങ്ങളുടെ അപരാജിത കുതിപ്പ് തുടര്‍ന്ന് ട്രിന്‍ബാഗോ നൈറ്റ് റൈഡേഴ്സ്. ഏഴാം വിക്കറ്റില്‍ ആന്‍ഡ്രേ റസ്സലും കാര്‍ലോസ് ബ്രാത്വവൈറ്റും നടത്തിയ ചെറുത്ത്നില്പ് ഒഴിച്ച് നിര്‍ത്തിയാല്‍ മോശം ബാറ്റിംഗ് പ്രകടനമാണ് തല്ലാവാസ് പുറത്തെടുത്തത്.

റസ്സല്‍ 23 പന്തില്‍ 50 റണ്‍സും കാര്‍ലോസ് ബ്രാത്‍വൈറ്റഅ 16 പന്തില്‍ 21 റണ്‍സും നേടി ഏഴാം വിക്കറ്റില്‍ നേടിയ 68 റണ്‍സിന്റെ കൂട്ടുകെട്ടാണ് വലിയ തോല്‍വിയില്‍ നിന്ന് ജമൈക്കയെ കരകയറ്റിയത്. റസ്സല്‍ 5 ഫോറും 4 സിക്സും സഹിതമാണ് ഈ സ്കോര്‍ നേടിയത്.

ടോപ് ഓര്‍ഡറില്‍ ഗ്ലെന്‍ ഫിലിപ്പ്സ് 41 റണ്‍സുമായി തിളങ്ങിയെങ്കിലും ഇന്നിംഗ്സിന്റെ ആദ്യ പന്തില്‍ ചാഡ്വിക് വാള്‍ട്ടണേ നഷ്ടമായ തുടക്കം ജമൈക്കയുടെ താളം തെറ്റിച്ചു. ബാക്കിയാര്‍ക്കും തിളങ്ങുവാനും സാധിക്കാനാകാതെ പോയപ്പോള്‍ 14.1 ഓവറില്‍ 97/6 എന്ന നിലയിലേക്ക് ജമൈക്ക വീണു.

അവസാന നാലോവറില്‍ നിന്ന് 80 റണ്‍സ് നേടേണ്ടിയിരുന്ന തല്ലാവാസിനായി തകര്‍പ്പന്‍ ബാറ്റിംഗിന് പേരുകേട്ട ആന്‍ഡ്രേ റസ്സലും കാര്‍ലോസ് ബ്രാത്‍വൈറ്റുമാണ് ക്രീസിലുണ്ടായിരുന്നത്. 17ാം ഓവറില്‍ 12 റണ്‍സ് നേടിയ ശേഷം ജെയ്ഡന്‍ സീല്‍സ് എറിഞ്ഞ 18ാം ഓവറില്‍ 22 റണ്‍സാണ് ആന്‍ഡ്രേ റസ്സലും കാര്‍ലോസ് ബ്രാത്‍വൈറ്റും നേടിയത്. ഇതോടെ അവസാന രണ്ടോവറില്‍ ലക്ഷ്യം 46 റണ്‍സായി മാറി. എന്നാല്‍ ഡ്വെയിന്‍ ബ്രാവോ എറിഞ്ഞ 19ാം ഓവറില്‍ നിന്ന് താരം വെറും എട്ട് റണ്‍സ് വിട്ട് കൊടുത്തതോടെ അവസാന ഓവറില്‍ അപ്രാപ്യമായ ലക്ഷ്യമായിരുന്നു തല്ലാവാസ് നേടേണ്ടിയിരുന്നത്.

ആറ് പന്തില്‍ നിന്ന് 38 റണ്‍സ് വേണമെന്ന സ്ഥിതിയില്‍ ട്രിന്‍ബാഗോ ക്യാപ്റ്റന്‍ കീറണ്‍ പൊള്ളോര്‍ഡ് സ്വയം ബൗളിംഗിന് എത്തുകയായിരുന്നു. പൊള്ളാര്‍ഡിനെ ആദ്യ പന്തില്‍ സിക്സര്‍ നേടി റസ്സല്‍ വരവേറ്റുവെങ്കിലും ഓവറില്‍ നിന്ന് 18 റണ്‍സ് മാത്രമേ ടീമിന് നേടാനായുള്ളു.

ട്രിന്‍ബാഗോയ്ക്ക് വേണ്ടി ഫവദ് അഹമ്മദ് രണ്ട് വിക്കറ്റ് നേടി.

Advertisement